Alexander Zverev vs Ben Shelton US Open 2026 Men Singles Final Preview : वर्षातील अखेरची ग्रँड स्लॅम स्पर्धा असलेल्या यूएस ओपन २०२६ (US Open 2026) च्या पुरुष एकेरीतीस अंतिम सामन्यातील खेळाडू आता निश्चित झाले आहेत. १४ सप्टेंबर रोजी सकाळी होणाऱ्या जेतेपदाच्या लढतीत जर्मनीचा स्टार खेळाडू अलेक्झांडर झ्वेरेव (Alexander Zverev) आणि अमेरिकेचा युवा टेनिसपटू बेन शेल्टन (Ben Shelton) समोरासमोर ठाकणार आहेत. झ्वेरेवने कारकिर्दीत दुसऱ्यांदा यूएस ओपनच्या अंतिम फेरीत प्रवेश केला आहे. यापूर्वी २०२० मध्ये त्याला उपविजेतेपदावर समाधान मानावे लागले होते.

खाचानोव्हला सरळ सेटमध्ये लोळवले; सलग तिसऱ्या ग्रँड स्लॅम फायनलमध्ये झ्वेरेव!  (US Open Final )

उपांत्य फेरीच्या सामन्यात अलेक्झांडर झ्वेरेवने आपल्या आक्रमक खेळाचे दर्शन घडवत रशियाच्या कॅरेन खाचानोव्हचा ३-० असा सरळ सेटमध्ये धुव्वा उडवला. त्याने पहिला सेट ६-३ ने सहज जिंकला, तर पुढील दोन्ही सेट टायब्रेकरमध्ये नेत अनुक्रमे ७-६, ७-६ अशा फरकाने खिशात घातले. झ्वेरेव यंदाच्या वर्षात सलग तिसऱ्यांदा ग्रँड स्लॅमच्या फायनलमध्ये पोहोचला आहे. चालू वर्षात त्याने फ्रेंच ओपनचे जेतेपद पटकावले होते, तर विम्बल्डनमध्ये उपविजेतेपदावर समाधान मानावे लागले होते.

टियाफोला नमवून शेल्टन पहिल्यांदाच अंतिम फेरीत; अल्काराझलाही चारली होती धूळ!  (US Open Final)

“Hopefully I cannot make the American Dream come true on Sunday.”

Alexander Zverev on facing either Frances Tiafoe or Ben Shelton in the US Open Final 😅 pic.twitter.com/GEFEtpYka4

— SportsCenter (@SportsCenter) September 11, 2026

दुसरीकडे, अमेरिकेचा बेन शेल्टन आपल्या कारकिर्दीत पहिल्यांदाच ग्रँड स्लॅमच्या फायनलमध्ये पोहोचला आहे. उपांत्य फेरीत त्याने सहकारी खेळाडू फ्रान्सिस टियाफोचा ३-१ असा पराभव केला. पहिला सेट ४-६ ने गमावल्यानंतर शेल्टनने जबरदस्त पुनरागमन करत ६-३, ६-३ आणि ७-५ अशा फरकाने उर्वरित तिन्ही सेट जिंकले. उपांत्यपूर्व फेरीत जागतिक अव्वल खेळाडू कार्लोस अल्काराझला नमवून शेल्टनने आधीच सर्वांचे लक्ष वेधले होते.

हेही वाचा – Team India Reaction : ‘मला जास्तच स्मार्ट बनवलंय…!’; ८० च्या दशकातील स्वतःचा विंटेज लूक पाहून १५ वर्षांचा वैभव सूर्यवंशी थक्क, पाहा VIDEO

झ्वेरेवविरुद्ध शेल्टनचा रेकॉर्ड ५-०; फायनलमध्ये इतिहास बदलणार का?  (US Open Final)

Alexander Zverev will face Ben Shelton in the US Open final 🔥

Zverev leads the head-to-head record 5-0 against Shelton, having won the previous four meetings in straight sets ✨

Can Shelton pull of an upset this time or will Zverev claim his second Major title? 🏆#tennis pic.twitter.com/1fUFTRl3NR

— FirstSportz Tennis (@FS_Tennis1) September 12, 2026

अंतिम फेरीचा हा मुकाबला शेल्टनसाठी अजिबात सोपा नसेल, कारण हेड-टू-हेड आकडेवारीत झ्वेरेवचे पारडे जड आहे. या दोघांमध्ये आतापर्यंत खेळल्या गेलेल्या पाचही सामन्यांत झ्वेरेवने बाजी मारली आहे. घरच्या मैदानावरील चाहत्यांचा पाठिंबा आणि जबरदस्त फॉर्मच्या जोरावर शेल्टन इतिहास बदलून पहिले ग्रँड स्लॅम उंचावणार की अनुभवी झ्वेरेव अमेरिकन ओपनवर नाव कोरणार, याकडे संपूर्ण क्रीडाविश्वाचे लक्ष लागले आहे.