Alandi News – समस्त हराळे वैष्णव समाज धर्मशाळा संस्थान, श्री क्षेत्र आळंदी देवाची यांच्या वतीने राष्ट्रसंत शिरोमणी संत रोहिदास महाराज यांची जयंती मोठ्या उत्साहात साजरी करण्यात आली. भजन, कीर्तन आणि मान्यवरांच्या उपस्थितीत झालेल्या या सोहळ्यात संतांच्या समता व बंधुत्वाच्या विचारांचा जागर करण्यात आला.कार्यक्रमाच्या अध्यक्षस्थानी संस्थेचे अध्यक्ष डॉ. बाबा कांबळे होते. प्रमुख पाहुणे म्हणून माजी मंत्री बबनराव घोलप, नगराध्यक्ष प्रशांत कुऱ्हाडे, गटनेते सचिन गिलबिले, नगरसेविका पुजाताई घुंडरे, नगरसेवक सोमनाथ कुऱ्हाडे, गोविंद कुऱ्हाडे, किरण येळवंडे, रवींद्र खैरे, किसनराव गाडेकर, बापू उगले, लताताई गाडेकर आदी उपस्थित होते.डॉ. बाबा कांबळे यांनी संस्थेची भव्य इमारत, अभ्यासिका, वधू-वर सूचक केंद्र व अन्नछत्र उभारण्याची घोषणा केली. बबनराव घोलप यांनी संतांच्या विचारांचा सन्मान सरकारकडून होत असल्याचे सांगितले, तर प्रशांत कुऱ्हाडे यांनी संत रोहिदास महाराज भवनासाठी नगर परिषद सहकार्य करेल, असे आश्वासन दिले.कार्यक्रमाचे सूत्रसंचालन तुषार नेटके यांनी केले, तर आभार ह.भ.प. बाळासाहेब चव्हाण यांनी मानले. पसायदानाने कार्यक्रमाची सांगता झाली.
