Air India – एअर इंडियाने पुन्हा एकदा त्यांच्या अनेक उड्डाण सेवा रद्द केल्या आहेत. आतापर्यंत, एअरलाइनने चार आंतरराष्ट्रीय उड्डाणांसह आठ उड्डाणे रद्द केल्याची माहिती दिली आहे. एअरलाइनने सांगितले की शुक्रवारी, एअर इंडियाने देखभाल आणि कार्यात्मक कारणांमुळे चार आंतरराष्ट्रीय सेवांसह आठ उड्डाणे रद्द केली आहेत. जमिनीवर असलेली त्यांची टीम प्रवाशांना शक्य तितक्या लवकर त्यांच्या इच्छित स्थानावर पोहोचण्यासाठी पर्यायी व्यवस्था करत आहेत.प्रवाशांनी तिकिटे रद्द केल्यास त्यांना पूर्ण परतफेड किंवा त्यांचा प्रवास पुन्हा वेळापत्रकबद्ध करण्याची ऑफर दिली आहे.

एअरलाइनने प्रवाशांना त्यांच्या वेबसाइटवर त्यांच्या फ्लाइटची स्थिती तपासण्याचा किंवा अपडेटसाठी ग्राहक सेवा क्रमांकावर कॉल करण्याचा सल्ला दिला आहे. विमानांवरील वाढत्या तपासणी, हवाई क्षेत्रावरील निर्बंध आणि खराब हवामानामुळे आम्हाला काही अडथळ्यांचा सामना करावा लागत आहे, ज्याची प्रवाशांना योग्यरित्या माहिती दिली जाईल. प्रवाशांना आमच्या वेबसाइटवर त्यांच्या फ्लाइटची स्थिती तपासण्याची विनंती केली आहे.

यापूर्वी, एअर इंडियाने गुरुवारी सांगितले होते की २१ जून ते १५ जुलै दरम्यान १६ आंतरराष्ट्रीय मार्गांवरील फ्लाइट्स कमी केल्या जातील आणि तीन परदेशी स्थळांसाठी फ्लाइट्स बंद राहतील. टाटा समूहाच्या मालकीच्या एअरलाइनने म्हटले होते की प्रवाशांना शेवटच्या क्षणी होणारी गैरसोय कमी करणे हे त्यांचे उद्दिष्ट आहे. खरं तर, अहमदाबाद अपघातानंतर, एअरलाइनने त्यांच्या विमानांची तपासणी वाढवली आहे आणि अनेक खबरदारीची पावले उचलत आहे.

फ्लाईट्स रद्द करण्याची घोषणा एअरलाइनने मोठ्या विमानांनी चालवल्या जाणाऱ्या उड्डाणांमध्ये तात्पुरती १५ टक्के कपात करण्याचे जाहीर केली आहे. ही कपात २१ जून २०२५ पासून लागू होईल आणि किमान १५ जुलै २०२५ पर्यंत सुरू राहील. यामध्ये, दिल्ली-नैरोबी, अमृतसर-लंडन (गॅटविक) आणि गोवा (मोपा)-लंडन (गॅटविक) यावरील सेवा १५ जुलैपर्यंत बंद राहतील. याशिवाय, उत्तर अमेरिका, युरोप, ऑस्ट्रेलिया आणि सुदूर पूर्वेकडील शहरांना जोडणाऱ्या १६ आंतरराष्ट्रीय मार्गांवरील उड्डाणे कमी करण्यात येतील.

कोणत्या फ्लाईट्स केल्या रद्द!

आंतरराष्ट्रीय उड्डाणे :
१. दुबई ते चेन्नई एआय-९०६
२. दिल्ली ते मेलबर्न एआय-३०८
३. मेलबर्न ते दिल्ली एआय-३०९
४. दुबई ते हैदराबाद एआय-२२०४

देशांतर्गत उड्डाणे :
५. पुणे ते दिल्ली एआय-८७४
६. अहमदाबाद ते दिल्ली एआय-४५६
७. हैदराबाद ते मुंबई एआय-२८७२
८. चेन्नई ते मुंबई एआय-५७१