Celina Jaitley : कृती सेनॉननंतर आता सेलिना जेटली ट्रोल; तो व्हिडिओ व्हायरल, नेटकऱ्यांनी चांगलचं सुनावलं
Celina Jaitley : ती अनेक दिव्यांग व्यक्तींना राखी बांधताना आणि त्यांच्यासोबत हा सण साजरा करताना दिसत आहे. सेलिना या प्रसंगाचा आनंद घेताना दिसत असली, तरी तिच्या लूकवरुन काही सोशल मीडिया युझर्सनी आक्षेप नोंदवला आहे.
Celina Jaitley : बॉलिवूड अभिनेत्री कृती सेनॉन हिला रक्षाबंधनानिमित्त केलेल्या जाहिरातीमुळे सोशल मीडियावर मोठ्या प्रमाणात ट्रोलिंगचा सामना करावा लागला होता. या जाहिरातीवरून वाद निर्माण झाल्यानंतर ती जाहिरात अखेर हटवण्यात आली. आता अभिनेत्री सेलिना जेटली हिचाही रक्षाबंधन साजरा करतानाचा व्हिडिओ सोशल मीडियावर चर्चेत आला असून, तिच्या पोशाखावरून नेटकऱ्यांनी तिच्यावर टीका केली आहे.
सेलिना जेटलीने रक्षाबंधनानिमित्त एक व्हिडिओ सोशल मीडियावर शेअर केला आहे. या व्हिडिओमध्ये ती फुलांच्या डिझाइनची साडी आणि लाल रंगाचा डीप-नेक ब्लाउज परिधान केलेली दिसत आहे. ती अनेक दिव्यांग व्यक्तींना राखी बांधताना आणि त्यांच्यासोबत हा सण साजरा करताना दिसत आहे. सेलिना या प्रसंगाचा आनंद घेताना दिसत असली, तरी तिच्या लूकवरुन काही सोशल मीडिया युझर्सनी आक्षेप नोंदवला आहे.
सोशल मीडियावर व्हिडिओ व्हायरल झाल्यानंतर एका युझरने सेलिनावर टीका करत तिच्या पोशाखासह तिच्या पारंपरिक सण साजरा करण्याच्या पद्धतीवर प्रश्न उपस्थित केले. कृती सेनॉनच्या वादाचा संदर्भ देत या युझरने बॉलिवूडवर हिंदू सण आणि परंपरांचा कथित अपमान केल्याचा आरोप केला.
Celina Jaitley
So for Kriti whole toolkit created- demeaning culture,bashing,abusing, transgender slur.
For Celina- No outrage trending Why?
Bcs Celina won’t give you reach.
This never about festival or culture,but about selective troll business model.
Hypocrisy is Naked pic.twitter.com/cbgPFSWvWe— sabindia (@_sabindia) August 28, 2026
दरम्यान, काही युझर्सनी मात्र सेलिनाला होणाऱ्या ट्रोलिंगवर प्रश्नचिन्ह उपस्थित करत कृती सेनॉनला झालेल्या ट्रोलिंगशी तिची तुलना केली. एका युझरने म्हटले की, कृतीच्या प्रकरणात मोठ्या प्रमाणावर टीका आणि ट्रेंडिंग करण्यात आले, मात्र सेलिनाच्या बाबतीत तशी प्रतिक्रिया दिसत नाही. हा मुद्दा सण किंवा संस्कृतीपेक्षा सोशल मीडियावरील निवडक ट्रोलिंगशी संबंधित असल्याचा दावा युझरने केला. याशिवाय काही नेटकऱ्यांनी बॉलिवूडमध्ये अशा प्रकारच्या वादांची पुनरावृत्ती का होते, असा सवालही उपस्थित केला.
हिंदू सण साजरे करताना संबंधित परंपरा आणि भावनांचा आदर केला पाहिजे, अशी प्रतिक्रिया काही युझर्सनी दिली आहे. तर काहींनी सेलिनाच्या कपड्यांवरून वैयक्तिक स्वरूपाच्या प्रतिक्रिया व्यक्त केल्या आहेत. सध्या सेलिना जेटलीचा हा व्हिडिओ सोशल मीडियावर व्हायरल होत असून, तिच्या पोशाखापासून ते रक्षाबंधन साजरा करण्याच्या पद्धतीपर्यंत विविध प्रतिक्रिया पाहायला मिळत आहेत. या प्रकरणावर सेलिनाकडून अद्याप कोणतीही अधिकृत प्रतिक्रिया समोर आलेली नाही.
