Celina Jaitley: बॉलिवूडपासून गेली १४ वर्षे दूर असलेली अभिनेत्री सेलिना जेटली पुन्हा एकदा चर्चेत आली आहे. यावेळी तिच्या चर्चेत येण्याचे कारण तिचा चित्रपट नव्हे, तर तिच्या भावाच्या प्रकरणाशी संबंधित न्यायालयीन लढा आहे. काय आहे प्रकरण? सेलिनाचा भाऊ मेजर (निवृत्त) विक्रांत कुमार जेटली गेल्या वर्षी २०२४ पासून संयुक्त अरब अमिरातमध्ये ताब्यात आहे. या प्रकरणात मदत मिळावी म्हणून सेलिनाने दिल्ली उच्च न्यायालयात याचिका दाखल केली आहे. दिल्ली हायकोर्टाने परराष्ट्र मंत्रालयाला नोटीस बजावून या प्रकरणात नोडल अधिकारी नेमण्याचे निर्देश दिले आहेत, जेणेकरून मेजर विक्रांत जेटली यांची अचूक स्थिती समजू शकेल. या प्रकरणाची पुढील सुनावणी ४ डिसेंबरला होणार आहे. सेलिनाचा अभिनय कारकिर्दीचा प्रवास सेलिनाने २००१ मध्ये “ओह केहरी” या व्हिडिओ अल्बममधून आपला प्रवास सुरू केला. त्यानंतर २००३ मध्ये फिरोज खान दिग्दर्शित “जानशीन” चित्रपटातून तिने बॉलिवूडमध्ये पदार्पण केले. तिच्या कारकिर्दीतील लोकप्रिय चित्रपटांमध्ये “नो एंट्री”, “हे बेबी”, “गोलमाल रिटर्न्स” आणि “अपना सपना मनी मनी” यांचा समावेश होतो. तथापि, तिच्या चित्रपटांना फारसे यश मिळाले नाही आणि ती हळूहळू चित्रपटसृष्टीपासून दूर झाली. लग्न आणि कुटुंब २०११ मध्ये सेलिनाने ऑस्ट्रियन बिझनेसमन पीटर हाग याच्याशी लग्न केले. २०१२ मध्ये तिला जुळी मुले झाली विराज आणि विंस्टन. पुन्हा २०१७ मध्ये तिने दुसऱ्या जुळ्या मुलांना जन्म दिला, परंतु त्यापैकी एकाचं निधन झालं. या दु:खानंतर ती बराच काळ चर्चेपासून दूर राहिली. बालपणीचा वेदनादायक अनुभव सेलिनाने स्वतः उघड केले होते की, बालपणी तिला लैंगिक अत्याचाराचा सामना करावा लागला होता. या अनुभवाने तिला मानसिकदृष्ट्या खूप त्रास झाला होता. देशप्रेम आणि विचार उरी हल्ल्यानंतर आणि सर्जिकल स्ट्राइकच्या वेळी सेलिनाने पाकिस्तानी कलाकारांच्या बहिष्काराविरुद्ध भूमिका घेतली होती. तिचे म्हणणे होते की, “कलेच्या नावाखाली राजकारण होऊ नये.” कोर्टाच्या निर्णयावर सेलिनाची प्रतिक्रिया सुनावणीनंतर सेलिना इंस्टाग्रामवर पोस्ट लिहित म्हणाली, “१४ महिन्यांच्या प्रयत्नांनंतर अखेर मला अंधाऱ्या बोगद्यातील शेवटची प्रकाशकिरण दिसली आहे. दिल्ली हायकोर्टाने माझ्या भावाच्या प्रकरणात दिलेला निर्णय म्हणजे माझ्यासाठी आशेची किरण आहे.”
