Dharmendra Pradhan : नीट (NEET) पेपरफुटी प्रकरण आणि शिक्षण व्यवस्थेवरील तीव्र टीकेच्या पार्श्वभूमीवर केंद्रीय शिक्षणमंत्री धर्मेंद्र प्रधान यांनी दिलेला राजीनामा पंतप्रधान नरेंद्र मोदी यांनी स्वीकारल्याची माहिती समोर आली आहे. या घडामोडीनंतर केंद्रीय शिक्षण खात्याचा अतिरिक्त कार्यभार प्रल्हाद जोशी यांच्याकडे सोपविण्यात आल्याचे सांगितले जात आहे. (Dharmendra Pradhan)

धर्मेंद्र प्रधान यांनी शनिवारी या संपूर्ण प्रकरणाची नैतिक जबाबदारी स्वीकारत आपला राजीनामा पंतप्रधानांकडे सुपूर्द केला होता. गेल्या काही दिवसांपासून दिल्लीच्या जंतर-मंतरपासून ते पाटण्यापर्यंत हजारो विद्यार्थी आणि विविध संघटनांनी नीट पेपरफुटीप्रकरणी आंदोलन छेडले होते. या आंदोलनाच्या पार्श्वभूमीवर सरकारने हा महत्त्वाचा निर्णय घेतल्याचे बोलले जात आहे. (Dharmendra Pradhan)

सोनम वांगचुक यांचे उपोषणही चर्चेत

केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी सामाजिक कार्यकर्ते सोनम वांगचुक यांनी तब्बल 26 दिवस उपोषण केल्याची चर्चा होती. सरकारकडून सकारात्मक आश्वासन मिळाल्यानंतर त्यांनी उपोषण मागे घेतल्याचे सांगण्यात आले. (Dharmendra Pradhan)

जंतर-मंतरवर जल्लोष

धर्मेंद्र प्रधान यांचा राजीनामा मंजूर झाल्याची माहिती समोर आल्यानंतर ‘कॉकरोच जनता पार्टी’ (CJP) आणि आंदोलनात सहभागी विद्यार्थ्यांनी दिल्लीतील जंतर-मंतर परिसरात जल्लोष साजरा केला. ढोल-ताशांच्या गजरात तरुणांनी आनंद व्यक्त केला. आंदोलनकर्त्यांच्या मते, शिक्षणमंत्र्यांच्या राजीनाम्यासोबतच त्यांच्या इतर काही प्रमुख मागण्यांनाही सरकारने मान्यता दिली असून, पीडित कुटुंबांना नुकसानभरपाई देण्याचाही निर्णय घेण्यात आला आहे. (Dharmendra Pradhan)

एनटीएमध्ये प्रशासकीय फेरबदल

सरकार आणि CJP यांच्यात झालेल्या चर्चेनंतर नॅशनल टेस्टिंग एजन्सी (NTA) मध्येही मोठे प्रशासकीय फेरबदल करण्यात आल्याचे सांगितले जात आहे. त्यानंतर CJP ने आपले आंदोलन अधिकृतपणे मागे घेण्याची घोषणा केली. (Dharmendra Pradhan)

धर्मेंद्र प्रधान यांची प्रतिक्रिया

राजीनाम्यानंतर धर्मेंद्र प्रधान यांनी सोशल मीडिया प्लॅटफॉर्म ‘एक्स’ (X) वर प्रतिक्रिया देताना म्हटले, “मी पहिल्या दिवसापासून या घटनेची नैतिक जबाबदारी स्वीकारली आहे. गेल्या काही दिवसांतील घटनांमुळे मला अत्यंत दुःख झाले आहे. देशाची एकता अबाधित राहावी आणि परिस्थितीचा गैरफायदा कोणालाही घेता येऊ नये, यासाठी मी हा निर्णय घेतला आहे. पंतप्रधान नरेंद्र मोदी यांच्या नेतृत्वाखाली देशसेवेची संधी मिळाली, याबद्दल मी त्यांचा आभारी आहे.” (Dharmendra Pradhan)

Dharmendra Pradhan : धर्मेंद्र प्रधान यांचा राजीनामा झालाच नाही? बड्या नेत्याच्या विधानाने खळबळ

Dharmendra Pradhan Resign: सर्वात मोठी बातमी! अखेर धर्मेंद्र प्रधानांचा केंद्रीय शिक्षणमंत्री पदाचा राजीनामा