Rupali Patil-Thombre’s social media post : अजित पवार यांच्या निधनानंतर राष्ट्रवादी काँग्रेस पक्षात विसंवादाचा अभाव निर्माण झाल्याची जोरदार चर्चा राजकीय वर्तुळात सुरू आहे. गेल्या काही दिवसांपासून सातत्याने पक्षात अंतर्गत धुसफुस सुरू असून, विलिनीकरणाच्या चर्चांना उधाण आलं आहे.

शरद पवार गटाचे नेते माजी प्रदेशाध्यक्ष जयंत पाटील यांनी मुख्यमंत्री देवेंद्र फडणवीस यांची भेट घेतली. त्यानंतर उपमुख्यमंत्री एकनाथ शिंदे यांची देखील भेट घेतली. एकामागून एक घेतलेल्या या भेटींमुळे आगामी काळात मोठ्या घडामोडी घडणार असल्याचे संकेत मिळत आहेत.

दुसरीकडे अजित पवार गटातील प्रदेशाध्यक्ष सुनील तटकरे आणि प्रफुल पटेल या नेत्यांनी देखील जयंत पाटील यांनी जेव्हा मुख्यमंत्र्यांची भेट घेतली, त्याच दिवशी त्यांनी देखील मुख्यमंत्र्यांची भेट घेतली. या भेटीनंतर तटकरे पटेल आणि पाटील यांची  वेगळी बैठक झाल्याची चर्चा आहे. मुख्यमंत्र्यांच्या भेटीबाबत पक्षाअध्यक्षा सुनेत्रा पवार यांना कल्पना नव्हती, अशी माहिती समोर आली होती.

राष्ट्रवादीच्या कोअर कमिटीच्या बैठकीत सुनेत्रा पवार यांनी तटकरेंना मुख्यमंत्र्यांची भेट घेतल्याचा जाब विचारला असल्याचे बोलले जात आहे. यानंतर पक्षात आलबेल नसल्याची कुणकूण व्यक्त केली जात असतानाच राष्ट्रवादी काँग्रेस पक्षाच्या महिला नेत्याने सोशल मीडियावरुन पोस्ट करत आता कठोर निर्णय घ्यावे लागेल असे म्हटले आहे. यानंतर राष्ट्रवादी काँग्रेसमध्ये खळबळ उडाली आहे.

Katraj Kondhwa Road: जूनची मुदतही हुकली! आता कात्रज-कोंढवा रस्त्यासाठी दिली ‘ही’ नवी डेडलाइन

बापमाणूस मा अजितदादा मला माफ करा… मी कायम आपल्या ऋणात आहे. तुम्ही असताना अन्याय करणाऱ्यांना, पक्षात चाटेगिरी, फुशारकी नाहक गोंधळ घालणाऱ्यांना, काटाकटि करणाऱ्या नेत्यावर वचक होता आणि कार्यकर्त्यांना नाहक त्रास देणाऱ्यांना लोकांवर वचक शब्दाचा धाक होता. तुम्ही काम करणाऱ्या कार्यकर्ताचे, पदाधिकारीचे खमके खंबीर आधार होता.

आता कठोर भूमिका घ्यावी लागणार आहे

तुमच्याच शब्दाचा मान ठेवून आम्हीही अनेकदा शांत राहिलो. पण तुम्ही गेल्यानंतर काहींनी पक्षातील परिस्थिती अधिकच भयावह केली. कार्यकर्त्यांचा, पदाधिकारीचा संयम हा कमकुवतपणा समजण्याची चूक केली. आता अन्याय, दडपशाही आणि विश्वासघात यापुढे सहन करणार नाही. म्हणूनच, मा. अजितदादा, मला माफ करा… आता कठोर भूमिका घ्यावी लागणार आहे. असे पोस्टमध्ये राष्ट्रवादी काँग्रेस पक्षाच्या महिला नेत्या रुपाली पाटील ठोंबरे यांनी म्हटलं आहे. या पोस्टमधून त्यांनी पक्षातील अंतर्गत घडामोडींवर भाष्य करत नाराजी व्यक्त केली आहे. या पोस्टमुळे त्या पक्षाला सोडचिठ्ठी देणार असल्याची जोरदार चर्चा रंगली आहे.

अन्याय करणाऱ्यांना कोणालाही सोडणार नाही

पुढे पोस्टमध्ये रुपाली पाटील ठोंबरे म्हणाल्या, “दुर्गाकाली रूप घ्यावे लागणार तुम्ही असताना आणि तुम्ही नसताना पक्षातील वातावरणाचाल किती मोठा फरक आहे, हे प्रत्येक निष्ठावान कार्यकर्त्याला जाणवत आहे. आम्ही तुमची माणसं होतो, आहोत आणि कायम राहू. तुमची शिकवण, तुमची कामे करण्याची पद्धत आणि न्यायासाठी लढण्याची ताकद आम्ही कधीही सोडणार नाही. अजितदादा शब्द आहे राजकारण वंगाळ करणाऱ्याना, अन्याय करणाऱ्यांना कोणालाही सोडणार नाही. असा इशारा रुपाली पाटील ठोंबरे यांनी दिला आहे. ही पोस्ट फेसबुकवर करण्यात आली असून, या पोस्टमध्ये त्यांनी दिवंगत नेते अजित पवार यांच्यासोबतचा एक फोटोही शेअर केला आहे.

PMC News: महापालिकेत आंधळा कारभार! प्रशासकीय काळात टाकलेल्या ड्रेनेज लाइनची आकडेवारीच नाही