विश्रांतवाडी : येरवड्यातील चित्रा चौक परिसरात महापालिकेच्या वतीने सुरू असलेल्या ड्रेनेज लाईनच्या कामादरम्यान खोदण्यात आलेल्या खोल खड्ड्यात पडून प्रदीप लक्ष्मण परदेशी (वय ६९) या ज्येष्ठ नागरिकाचा ऐन सणासुदीच्या तोंडावर दुर्दैवी मृत्यू झाला. ही घटना १७ ऑक्टोबर रोजी घडली. (Vishrantwadi News)

रस्त्यावर खोदण्यात आलेल्या खड्ड्याभोवती सुरक्षिततेच्या पुरेशा उपाययोजना करण्यात आल्या नसल्याचा आरोप नागरिकांनी केला आहे. हलक्या स्वरूपाचे बॅरिकेड्स लावण्यात आले होते, तसेच वाहतूक आणि पादचाऱ्यांच्या सुरक्षिततेसाठी वॉर्डनचीही नियुक्ती करण्यात आली नसल्याची तक्रार पुढे आली आहे. (Vishrantwadi News)

या दुर्घटनेमुळे महापालिका प्रशासन आणि संबंधित ठेकेदाराच्या कामकाजावर प्रश्नचिन्ह निर्माण झाले असून, संबंधित ठेकेदारावर सदोष मनुष्य वधाचा गुन्हा दाखल करून कठोर कारवाई करण्याची मागणी नागरिकांकडून होत आहे. (Vishrantwadi News)

येरवडा येथील चित्रा चौक परिसरात ड्रेनेज लाईन टाकण्यासाठी रस्त्यावर सुमारे १० ते १५ फूट खोल खड्डा खोदण्यात आला होता. मात्र, एवढ्या खोल खड्ड्याभोवती नागरिकांच्या सुरक्षिततेच्या दृष्टीने आवश्यक ती खबरदारी घेण्यात आली होती का, असा प्रश्न या घटनेनंतर उपस्थित केला जात आहे. (Vishrantwadi News)

मिळालेल्या माहितीनुसार, रस्त्यावरून जात असताना प्रदीप परदेशी यांचा तोल जाऊन ते खड्ड्यात कोसळले. या दुर्घटनेत त्यांना गंभीर दुखापत झाली. अपघातानंतर त्यांना तातडीने रुग्णालयात दाखल करण्यात आले; मात्र उपचारादरम्यान त्यांचा मृत्यू झाला. एका ज्येष्ठ नागरिकाचा अशा प्रकारे जीव गेल्याने परिसरात हळहळ व्यक्त केली जात आहे. (Vishrantwadi News)

दरम्यान, संबंधित ड्रेनेज लाईनचे काम मागील सहा महिन्यांपासून सुरू असल्याची माहिती समोर आली आहे. या कामाबाबत यापूर्वीही अनेक तक्रारी करण्यात आल्याचे सांगितले जात आहे. असे असतानाही कामाच्या ठिकाणी पुरेशा सुरक्षिततेच्या उपाययोजना करण्यात आल्या नसल्याचा आरोप नागरिकांकडून करण्यात येत आहे. (Vishrantwadi News)

खोल खड्डा खोदलेल्या ठिकाणी मजबूत लोखंडी बॅरिकेड्स लावणे, रात्रीच्या वेळी स्पष्टपणे दिसतील असे सूचना फलक व इशारा दिवे लावणे, तसेच पादचारी आणि वाहनचालकांना सुरक्षित मार्ग उपलब्ध करून देणे आवश्यक असते. मात्र, या ठिकाणी करण्यात आलेल्या सुरक्षा व्यवस्थेबाबत नागरिकांनी नाराजी व्यक्त केली आहे. (Vishrantwadi News)

ड्रेनेजसारखी अत्यावश्यक कामे करताना नागरिकांच्या सुरक्षिततेला सर्वोच्च प्राधान्य देणे अपेक्षित असते. काम सुरू असलेल्या ठिकाणी पुरेशी खबरदारी घेतली असती, तर ही दुर्घटना टाळता आली असती का, याची चौकशी करण्याची मागणीही होत आहे. (Vishrantwadi News)

या दुर्घटनेबाबत प्रतिक्रिया व्यक्त करताना नगरसेवक अविनाश साळवे यांनी संबंधित ठेकेदाराच्या कामकाजावर गंभीर प्रश्न उपस्थित केले. कामाच्या ठिकाणी नागरिकांच्या सुरक्षिततेसाठी आवश्यक ती काळजी घेण्यात आली नसल्याचा आरोप साळवे यांनी केला. (Vishrantwadi News)

“खड्ड्याभोवती मजबूत लोखंडी बॅरिकेड्स लावणे अपेक्षित असताना हलक्या दर्जाचे बॅरिकेड्स लावण्यात आल्याचे व्हिडिओमध्ये दिसून येते,” असे साळवे यांनी सांगितले. या निष्काळजीपणाची गंभीर दखल घेऊन संबंधित ठेकेदाराला कायमस्वरूपी काळ्या यादीत टाकावे आणि त्याच्याविरुद्ध सदोष मनुष्यवधाचा गुन्हा दाखल करावा, अशी मागणी आपण महापालिका आयुक्तांकडे केली असल्याचेही साळवे यांनी सांगितले. (Vishrantwadi News)

या दुर्घटनेप्रकरणी लक्ष्मी नगर पोलीस ठाण्यात संबंधित ठेकेदार आणि रिक्षाचालकाविरुद्ध गुन्हा दाखल करण्याची प्रक्रिया सुरू असल्याची माहिती मिळाली आहे. या प्रकरणात नेमकी जबाबदारी कोणाची आहे, कामाच्या ठिकाणी सुरक्षिततेच्या नियमांचे पालन करण्यात आले होते का आणि दुर्घटनेला कारणीभूत ठरलेल्या बाबी कोणत्या, याची चौकशी होणे महत्त्वाचे आहे. (Vishrantwadi News)

शहरात रस्ते, ड्रेनेज आणि अन्य पायाभूत सुविधांची कामे करताना अनेक ठिकाणी रस्ते खोदले जातात. मात्र, अशा ठिकाणी योग्य बॅरिकेड्स, सूचना फलक, रात्रीच्या वेळी प्रकाशव्यवस्था आणि आवश्यक मनुष्यबळ उपलब्ध नसल्यास नागरिकांच्या जीविताला धोका निर्माण होऊ शकतो. (Vishrantwadi News)

चित्रा चौकातील दुर्घटनेमुळे अशा कामांच्या ठिकाणी सुरक्षिततेच्या उपाययोजनांची नियमित तपासणी केली जाते का, ठेकेदारांना दिलेल्या सूचनांचे पालन होते का आणि नियमांचे उल्लंघन झाल्यास संबंधितांवर कारवाई केली जाते का, असे प्रश्न उपस्थित झाले आहेत. (Vishrantwadi News)

प्रदीप परदेशी यांच्या मृत्यूला जबाबदार असलेल्या बाबींची निष्पक्ष चौकशी करून दोषींवर नियमानुसार कारवाई करावी, तसेच शहरातील सुरू असलेल्या सर्व खोदकामांच्या ठिकाणी सुरक्षिततेच्या उपाययोजनांची तपासणी करावी, अशी मागणी नागरिकांकडून होत आहे. (Vishrantwadi News)

एका ज्येष्ठ नागरिकाचा जीव गेल्यानंतर तरी महापालिका प्रशासन आणि संबंधित यंत्रणा जागी होणार का? चित्रा चौकातील या दुर्घटनेनंतर हा प्रश्न उपस्थित होत असून, भविष्यात अशा दुर्घटना टाळण्यासाठी ठोस उपाययोजना करण्याची गरज अधोरेखित झाली आहे. (Vishrantwadi News)