ZP Bribe Case : रायगड जिल्हा परिषद अध्यक्षांचे स्वीय सहाय्यक तथा जिल्हा परिषदेच्या वित्त विभागातील वित्त लेखा सहाय्यक योगेश प्रकाश भस्मे यांना १ लाख ५० हजार रुपयांची लाच स्वीकारताना लाचलुचपत प्रतिबंधक विभागाने (ACB) रंगेहाथ पकडल्याची माहिती आहे. बुधवारी (२३ सप्टेंबर) सायंकाळी रायगड एसीबीच्या पथकाने ही कारवाई केली. ( ZP Bribe Case)

तक्रारदाराच्या पत्नीची बदली करून देण्यासाठी दीड लाख रुपयांची लाच मागितल्याचा आरोप योगेश भस्मे यांच्यावर करण्यात आला आहे. याबाबत तक्रारदाराने एसीबीकडे तक्रार दाखल केली होती. ( ZP Bribe Case)

तक्रारीनंतर ACB कडून सापळा

तक्रार प्राप्त झाल्यानंतर एसीबीच्या पथकाने त्याची पडताळणी केली. त्यानंतर अधिकाऱ्यांनी सापळा रचला. बुधवारी सायंकाळी साडेचारच्या सुमारास ठरलेल्या ठिकाणी लाचेची रक्कम स्वीकारत असताना एसीबीच्या पथकाने भस्मे यांना ताब्यात घेतल्याची माहिती आहे. (ZP Bribe Case)

या कारवाईत १ लाख ५० हजार रुपयांची रक्कम स्वीकारल्याचा आरोप आहे. प्रकरणातील पुढील कायदेशीर कारवाई आणि तपास एसीबीकडून केला जात आहे. ( ZP Bribe Case)

जिल्हा परिषद प्रशासनात खळबळ

योगेश भस्मे हे रायगड जिल्हा परिषदेच्या वित्त विभागात वित्त लेखा सहाय्यक म्हणून कार्यरत आहेत. त्यांच्याकडे जिल्हा परिषद अध्यक्षांचे स्वीय सहाय्यक म्हणूनही जबाबदारी असल्याने या कारवाईमुळे जिल्हा परिषद प्रशासनात चर्चेला उधाण आलं आहे. ( ZP Bribe Case)

बदलीच्या प्रकरणात आणखी कोणाचा सहभाग?

तक्रारदाराच्या पत्नीच्या बदलीच्या कामासाठी लाच मागितल्याचा आरोप या प्रकरणात करण्यात आला आहे. त्यामुळे बदली प्रक्रियेत भस्मे यांची नेमकी भूमिका काय होती, बदलीच्या निर्णयावर प्रभाव टाकण्याचा त्यांना अधिकार होता का, तसेच या प्रकरणात आणखी कोणाचा सहभाग आहे का, याचा तपास एसीबीकडून केला जाणार आहे. ( ZP Bribe Case)

दरम्यान, या कारवाईबाबत एसीबीकडून अधिकृत तपशील आणि पुढील कायदेशीर कारवाईनंतर प्रकरणातील इतर बाबी स्पष्ट होण्याची शक्यता आहे. ( ZP Bribe Case)

Bribe Case : ८ लाखांची लाच घेताना केंद्रीय जीएसटीचा अधीक्षक लोकायुक्तच्या जाळ्यात