प्राथमिक, माध्यमिक आणि उच्च माध्यमिक शाळांना दिर्घ सुट्ट्या
Diwali Vacation:प्राथमिक, माध्यमिक आणि उच्च माध्यमिक शाळांच्या विद्यार्थ्यांना दिवाळीच्या दीर्घ सुट्ट्या मिळणार आहेत. ५ नोव्हेंबर ते २३ नोव्हेंबर पर्यंत एकूण १९ दिवसांची सुट्टी मिळणार आहे. जिल्हा परिषदांनी शैक्षणिक वर्ष २०२६-२७ मधील दिवाळी सुट्ट्यांबाबत अधिकृत आदेश जारी केले असून अन्य बहुतांशी शैक्षणिक शाळांचेही सुट्टींचे असेच नियोजन असणार आहे.

या कालावधीत शाळा पूर्णपणे बंद राहणार आहेत. विद्यार्थ्यांना घरच्या घरी दिवाळी साजरी करण्याची संधी मिळेल. सुट्टीचा कालावधी जाहीर करताना जिल्हा परिषदांनी शैक्षणिक वर्षाच्या वेळापत्रकाचा विचार केला असून विद्यार्थ्यांच्या अभ्यासावर किमान परिणाम होईल याची दक्षता घेतली आहे. पालकांनी मुलांच्या अभ्यासाची नियमितता कायम ठेवण्यासाठी सुट्टीच्या काळातही थोडा अभ्यास करून घेणे फायद्याचे ठरेल.

२४ नोव्हेंबरला गुरुनानक जयंती निमित्त सार्वजनिक सुट्टी असल्यामुळे शाळा त्या दिवशी बंद राहतील. त्यामुळे नियमित शाळा २५ नोव्हेंबरपासूनच सुरू होतील. विद्यार्थी आणि शिक्षकांनी या तारखेची नोंद करून ठेवावी. शाळा सुरू झाल्यानंतर कोणतीही अडचण येणार नाही. गुरुनानक जयंतीमुळे एक दिवस अतिरिक्त सुट्टी मिळाल्याने एकूण सुट्टीचा कालावधी थोडा वाढला आहे.

प्रयोगशाळा सहाय्यक आणि प्रयोगशाळा परिचर सोडून इतर शिक्षकेत्तर कर्मचाऱ्यांना दीर्घ सुट्ट्या लागू नाहीत. मात्र, दीर्घ सुट्टीच्या कालावधीत ज्या सार्वजनिक सुट्ट्या असतील त्या त्यांना लागू राहतील. या निर्णयामुळे शाळांचे प्रशासकीय कामकाज सुट्टीच्या काळातही सुरळीत राहणार आहे.

शिक्षक, विद्यार्थी आणि पालकांनी या निर्णयाची नोंद करून ठेवणे आवश्यक आहे. शाळांच्या नियमित कामकाजावर याचा थेट परिणाम होणार आहे. जिल्हा परिषदांनी दिलेल्या निर्देशांनुसार सर्व संबंधित शाळांनी या सुट्टीच्या नियमांचे पालन करणे बंधनकारक आहे.