Mohammed Shami Ignored By Ajit Agarkar Zaheer Khan Support : भारतीय संघाचा अनुभवी वेगवान गोलंदाज मोहम्मद शमीला (Mohammed Shami) राष्ट्रीय संघातून सातत्याने डावलले जात असल्याने क्रिकेट जगतात नवा वाद पेटला आहे. रणजी ट्रॉफी आणि आयपीएलमध्ये चमकदार कामगिरी करूनही मुख्य निवडकर्ते अजित आगरकर (Ajit Agarkar) आणि संघ व्यवस्थापनाने त्याला बाहेर ठेवले आहे. आता या प्रकरणी भारताचा माजी दिग्गज गोलंदाज जहीर खानने (Zaheer Khan) थेट मोहम्मद शमीच्या बाजूने ठाम भूमिका घेतली आहे.

मोहम्मग शमीला २०२७ च्या एकदिवसीय विश्वचषकासाठी (2027 ODI World Cup) भारतीय संघाच्या भविष्यातील योजनांमध्ये नक्कीच स्थान दिले पाहिजे, असे स्पष्ट मत जहीरने व्यक्त केले आहे. तसेच त्याने शमीला सल्ला देताना सांगितले की, त्याने बाहेरील वाद आणि चर्चांपासून स्वत:ला बाजूला ठेवून कामगिरीवर लक्ष द्यावे. त्याचबरोबर निवडकर्त्यांना त्याच्या अनुभवाचा फायदा करुन घेण्याचे आव्हान केले आहे.

झहीर खानचे आगरकर अन् सिलेक्टर्सना आव्हान!

Arguably the greatest Indian FAST bowler- Zaheer Khan speaks on Shami’s World Cup 2027 chances, Bumrah’s injury and Gurnoor Brar future!@mdshami11 pic.twitter.com/k6mkWFTQRl

— Vimal कुमार (@Vimalwa) August 9, 2026

झहीर खान शमीच्या समर्थनात बोलताना म्हणाला, “शमीने बाहेरील वाद आणि चर्चा बाजूला ठेवून केवळ आपल्या हातातील गोष्टींवर म्हणजेच विकेट्स घेण्यावर लक्ष केंद्रित केले पाहिजे. जर एखादा गोलंदाज घरगुती क्रिकेटमध्ये सातत्याने षटके टाकून उत्कृष्ट कामगिरी करत असेल, तर तो २०२७ मधील दक्षिण आफ्रिका विश्वचषकासाठी पूर्णपणे उपलब्ध आहे. भारताने दक्षिण आफ्रिका दौरा आणि आगामी आयसीसी स्पर्धांसाठी शमीच्या अफाट अनुभवाचा पुरेपूर फायदा घेतला पाहिजे.”

आगरकरांचा फिटनेसचा दावा अन् शमीचे सडेतोड उत्तर!

मुख्य निवडकर्ते अजित आगरकर यांनी शमीच्या फिटनेस आणि वर्कलोडचे (Workload) कारण देत त्याला संघातून बाहेर ठेवले होते. मात्र, शमीने यावर सडेतोड उत्तर दिले आहे. “जर मी रणजी सामन्यांमध्ये दिवस-दिवसभर लांब स्पेल टाकून गोलंदाजी करू शकतो, तर एकदिवसीय क्रिकेटमध्ये १० षटके टाकण्यात मला कसलीच अडचण असू शकत नाही,” अशा शब्दात शमीने चोख प्रत्युत्तर दिले.

हेही वाचा – Modi Meets Medalists : “जो खेलेगा, वो खिलेगा!”; राष्ट्रकुल क्रीडा स्पर्धेतील ३९ पदक विजेत्या खेळाडूंची पंतप्रधान मोदींनी घेतली भेट

मोहम्मद शमीने २०२५-२६ च्या रणजी हंगामात बंगालकडून खेळताना ७ सामन्यांत तब्बल ३७ विकेट्स घेतल्या आहेत, तर आयपीएल २०२६ मध्ये लखनौ सुपर जायंट्सकडून खेळताना १३ विकेट्स घेतल्या आहेत. आता इशान किशनच्या नेतृत्वाखालील पूर्व विभागाच्या (East Zone) दुलीप करंडक संघात शमीची निवड झाली असून, पुन्हा एकदा आपली धारदार गोलंदाजी सिद्ध करण्याची त्याच्याकडे सुवर्णसंधी आहे.