स्पीड आणि मजबूत बाईकसाठी तरुणाई यामाहाच्या एफझेड या बाइकला पसंती देतात. हटके आणि आकर्षक लूक असलेली ही बाइक चालवणाऱ्यांच्या व्यक्‍तिमत्त्वात भर पाडते. या बाइकच्या किमतीविषयी तरुणाईला खूशखबर आहे.

कारण यामाहाने एफझेडच्या दोन मॉडलची किंमत कमी करण्याची घोषणा केली आहे. एफझेड 25 आणि एफझेडएस 25 बाइकचे दोन मॉडल आहेत. एफझेड 25 ची किंमत 18 हजार 800 रुपयांनी आणि एफझेडएस 25 ची किंमत 19 हजार 300 रुपयांनी कमी केली आहे.

यामाहा एफझेड 25 ची नवीन किंमत 1 लाख 34 हजार 800 रुपये इतकी तर यामाहा एफझेडएस 25 ची 1 लाख 39 हजार 300 रुपये (एक्‍स-शोरूम, दिल्ली) इतकी आहे.

यापूर्वी एफझेड 25 आणि एफझेडएस 25 ची किंमत अनुक्रमे 1 लाख 53 हजार 600 आणि 1 लाख 58 हजार 600 रुपये इतकी होती. इनपुट खर्चात कपात केल्यामुळे दोन्ही मॉडलच्या किमती कमी झाल्या आहेत. किमंत कमी झाल्यामुळे दोन्ही बाइकच्या विक्रीत वाढ होईल, अशी अपेक्षा कंपनीला आहे.