Yashasvi Jaiswal share picture with Rumored GF during IPL 2025 : भारतीय सलामीवीर यशस्वी जैस्वाल एका मोठ्या निर्णयामुळे चर्चेत आहे. यशस्वी जैस्वालने आयपीएल २०२५ मध्ये आतापर्यंत काही खास कामगिरी केलेली नाही, पण तरीही तो सोशल मीडियावर चर्चेत आहे. यामागील मोठे कारण म्हणजे या युवा फलंदाजाने अलीकडेच स्थानिक क्रिकेटमध्ये मुंबईशी संबंध तोडण्याचा निर्णय घेतला आहे. यशस्वी पुढील हंगामापासून गोव्याकडून खेळताना दिसेल. दरम्यान आता तो सोशल मीडियावर शेअर केलेल्या पोस्टमुळे चर्चेत आहे.

यशस्वी इन्स्टा पोस्टमुळे ट्रोल –

दरम्यान, आयपीएल २०२५ मधील आतापर्यंतच्या खराब फॉर्ममुळे यशस्वीला सोशल मीडियावर ट्रोल केले जात आहे. खराब फॉर्ममधून जात असलेल्या यशस्वी जैस्वालने सोशल मीडियावर एक पोस्ट केली होती, ज्यावरुन चाहत्यांनी त्याच्यावर टीकेच भडीमार केला आहे. यशस्वी जैस्वालने इन्स्टा अकाऊंटवरुन एक पोस्ट केली आहे, जी पाहिल्यानंतर ट्रोलर्सच्या कमेंट्सचा पूर आला आहे. त्याला का वाईटरित्या ट्रोल केले जात आहे आणि त्याच्या खराब फॉर्मवर प्रश्न का उपस्थित केले जात आहेत? याबद्दल जाणून घेऊया.

काय आहे यशस्वी जैस्वालची इन्स्टाग्राम पोस्ट?

 

View this post on Instagram

 

A post shared by Yashasvi Jaiswal (@yashasvijaiswal28)

यशस्वी जैस्वाल खराब फॉर्ममुळे होतोय ट्रोल –

शुक्रवारी संध्याकाळी, यशस्वी जैस्वालने त्याच्या इन्स्टाग्राम अकाउंटवर एक पोस्ट शेअर केली, ज्यामध्ये तो त्याच्या कथित गर्लफ्रेंड आणि मित्रासोबत दिसत आहे. यशस्वी जैस्वालची कथित गर्लफ्रेंड मॅडी हॅमिल्टन आहे, जी मूळची इंग्लंडची (यूके) आहे. जैस्वालने ही पोस्ट शेअर करताना कॅप्शनमध्ये लिहिले की, ‘वेळ निघून जाऊ शकतो पण बंध कधीच संपत नाहीत, अशा क्षणांसाठी मी कृतज्ञ आहे.’

हेही वाचा – LSG vs MI : हार्दिक पंड्याची कमाल! IPL इतिहासात ‘हा’ पराक्रम करणारा ठरला पहिला खेळाडू

यशस्वी जैस्वालची ही पोस्ट पाहून चाहत्यांचा राग वाढला, ज्यामुळे चाहते त्याला चांगलेच ट्रोल करत आहेत. एका चाहत्याने पोस्टवर कमेंट करत लिहिले की, आम्हाला माहित होते की काहीतरी समस्या आहे. ज्यामुळे तू क्रिकेट व्यवस्थि खेळू शकत नाही. दुसऱ्या एका चाहत्याने लिहिले, भाऊ, थोडेसे करिअरवर लक्ष केंद्रित कर. एका चाहत्याने लिहिले, मित्रांनो, आम्हाला खराब फॉर्मचे कारण सापडले. या पोस्टवरील बहुतेक कमेंट्स या सारख्याच आहेत. कारण आयपीएल २०२५ मध्ये राजस्थान रॉयल्सकडून खेळताना त्याला अजून सूर गवसलेला नाही.