Worli Hit and Run Case | Mihir Shah | mumbai Police : मागील काही दिवसांपासून हिट अँड रनच्या अनेक घटना समोर आल्या. यातच मुंबईतील वरळीत हिट अँड रनची घटना घडली. भरधाव कारने कोळी दाम्पत्याला उडवल्याने यामध्ये महिलेचा मृत्यू झाला आहे. तर तिचा पती जखमी झाला आहे.

या कारमध्ये शिवसेना शिंदे गटाचे उपनेते राजेश शाह यांचा मुलगा मिहीर होता. तर शिंदे गटाचे उपनेते राजेश शहा यांना पोलिसांनी ताब्यात घेतले.

त्यानंतर मिहिर शाहचे वडील राजेश शाह यांना जामीन मंजूर केला. १५ हजार रुपयांच्या तात्पुरत्या रोख रकमेवर राजेश शाह यांना शिवडी कोर्टाने जामीन मंजूर केला आहे. सध्या पोलिसांकडून मिहीर शहा यांची चौकशी करण्यात येत आहे.

दरम्यान, मिहीर शाह याला मद्यप्राशन करायची सवय आहे. त्याने स्वतःच पोलीस चौकशीत ही बाब मान्य केली आहे. अटक केल्यानंतर त्याला १६ जुलैपर्यंत पोलीस कोठडी सुनावण्यात आली. या दरम्यान त्याची जी चौकशी सुरु आहे त्या चौकशीत त्याने दारु पिण्याची सवय असल्याचं मान्य केलं आहे.

अपघात झाल्यानंतर मिहीर शाहने वरळीतून पळ काढला होता. त्यानंतर तो विरारला गेला. तिथे त्याने ओळख लपवण्यासाठी एका सलूनमध्ये जात दाढी आणि केस कापले होते. पोलिसांची दिशाभूल करण्यासाठी त्याने हे पाऊल उचललं ही बाबही मिहीर शाह याने मान्य केली. अपघात झाल्यानंतर ६० तासांनी त्याला अटक करण्यात आली होती.

नेमकं काय घडलं?

ॲट्रिया मॉलजवळील एक कोळी दाम्पत्य प्रदीप नाखवा आणि कावेरी नाखवा मच्छी आणण्यासाठी ससून डॉक येथे गेले होते. मच्छी घेऊन परतत असताना पहाटे ५:३० च्या सुमारास कारने या दाम्पत्याच्या दुचाकीला धडक दिली. यावेळी दाम्पत्याकडे खूप सामान आणि मासे होते.

त्यामुळे नवऱ्याचं दुचाकीवरचं नियंत्रण सुटलं आणि दोघेही चारचाकी गाडीच्या बोनेटवर पडले. मात्र महिलेचा पती बाजूला पडला तर, महिलेला चालकाने फरफटत नेले. यात महिला गंभीर जखमी झाली होती. त्यानंतर त्यांना रुग्णालयात दाखल केले असता डॉक्टरांनी महिलेला मृत घोषित केले.