Women’s T20 World Cup 2024 (IND-W vs NZ-W Match Result) : आयसीसी महिला टी-20 विश्वचषकाच्या चौथ्या सामन्यात भारत आणि न्यूझीलंड महिला संघ आज आमनेसामने आले होते. दोन्ही संघांचा हा स्पर्धेतील पहिला सामना होता. दुबईतील दुबई आंतरराष्ट्रीय क्रिकेट स्टेडियमवर झालेल्या या सामन्यात भारतीय महिला संघाला पराभवाचा धक्का बसला आहे. महिला टी-20 विश्वचषक स्पर्धेतील पहिल्या सामन्यात भारताला न्यूझीलंडकडून 58 धावांनी पराभव पत्करावा लागला आहे. विजयासाठी 161 धावांच्या लक्ष्याचा पाठलाग करताना टीम इंडियाला 19 षटकात सर्वबाद 102 धावसंख्येपर्यंतच मजल मारता आली.
New Zealand win Match 4⃣ of the #T20WorldCup.#TeamIndia will aim to bounce back in the next game.
Scorecard ▶️ https://t.co/XXH8OT5MsK#INDvNZ | #WomenInBlue pic.twitter.com/DmzOpOq87g
— BCCI Women (@BCCIWomen) October 4, 2024
या सामन्यात भारताची सुरुवात खराब झाली. कार्सनने दुसऱ्याच षटकात शेफाली वर्माला आपली शिकार बनवले. तिला केवळ दोन धावा करता आल्या. किवी गोलंदाजाने स्मृती मंधानालाही बाद केले. उपकर्णधारला केवळ 12 धावा करता आल्या. या सामन्यात भारताची फलंदाजी पत्त्याच्या घरासारखी कोसळली. हरमनप्रीत 15, जेमिमा 13, रिचा 12, दीप्ती 13, अरुंधती एक, पूजा आठ, श्रेयंका सात, रेणुका सिंग शून्य आणि आशा शोभना नाबाद 6 धावा करू शकली. न्यूझीलंडकडून गोलंदाजीत रोझमेरी मायरने चार, ली ताहुहूने तीन, एडन कार्सनने दोन आणि अमेलिया कारने एक विकेट घेतली.
तत्पूर्वी, किवी संघाची कर्णधार सोफी डेव्हाईनने (Sophie Devine) नाणेफेक जिंकून प्रथम फलंदाजी करण्याचा निर्णय घेतला होता. प्रथम फलंदाजी करताना न्यूझीलंड संघाने 20 षटकात 4 गडी गमावत 20 षटकात 160 धावसंख्येपर्यत मजल मारली होती. सुझी बेट्स आणि जॉर्जिया प्लिमर यांनी संघाला चांगली सुरुवात करून दिली. दोघांमध्ये पहिल्या विकेटसाठी 7.4 षटकात 67 धावांची भागीदारी झाली, जी अरुंधती रेड्डीने मोडली. तिने बेट्सला श्रेयंका पाटीलकरवी झेलबाद केले. तिनं 24 चेंडूत दोन चौकारांच्या मदतीने 27 धावांची खेळी केली. त्यानंतर लगेचच पुढच्या (8.1) षटकात 67 धावसंख्येवरच भारतीय गोलंदाजांनी न्यूझीलंडला दुसरा धक्का दिला आहे. आशा शोभनाने जॉर्जिया प्लिमरलाही मंधानाकरवी झेलबाद केले. ती 23 चेंडूत 3 चौकार अन् 1 षटकाराच्या मदतीने 34 धावा करून पॅव्हेलियनमध्ये परतली.
यानंतर अमेलिया केर आणि सोफी डिव्हाईन यांनी पदभार स्वीकारला. दोघींनी तिसऱ्या विकेटसाठी 32 धावांची भागीदारी करत संघाची धावसंख्या 99 पर्यंत नेली. रेणुका सिंगने 15 व्या षटकाच्या दुसऱ्या चेंडूवर केरला बाद केले. अमेलिया केर 22 चेंडूत केवळ 13 धावा करून माघारी परतली. यानंतर ब्रूक हॅलिडेने कर्णधाराला साथ दिली. दोघांमध्ये 46 धावांची भागीदारी झाली आणि संघाची धावसंख्या 145 वर पोहचवली. ही भागीदारी रेणुकाने 19व्या षटकात मोडली. ब्रूक 12 चेंडूत 2 चौकारासह 16 धावा करून बाद झाली. यांनतर सोफी डिव्हाईन हिने 36 चेंडूत 7 चौकाराच्या मदतीनं नाबाद 57 धावा करून तर मॅडी ग्रीन हिने नाबाद पाच धावा करून संघाची धावसंख्या 20 षटकात 160 धावांपर्यंत नेली.
Women’s T20 World Cup 2024 : द. आफ्रिकेची धडाकेबाज सुरुवात, वेस्ट इंडिजचा केला दारूण पराभव…
भारतातर्फे गोलंदाजीत रेणुका ठाकुर सिंहने 4 षटकात 27 धावा देत सर्वाधिक दोन विकेट घेतल्या. अरुंधती आणि आशा शोभना यांनी प्रत्येकी एक विकेट घेतली. अरूंधतीनं 4 षटकात 28 तर शोभना हिनं 4 षटकात 22 धावा दिल्या. अष्टपैलू दिप्ती शर्मा महागडी गोलंदाज ठरली. तिने 4 षटकात सर्वाधिक 45 धावा दिल्या. श्रेयका पाटीलला बळी मिळवण्यात अपयश आले. तिने 3 षटकात 25 धावा दिल्या.
