परळी – काकीनाडा पोर्ट येथून शिर्डीकडे जात‎ असलेली एक्सप्रेस रेल्वेला परळी – गंगाखेड ‎‎दरम्यान सिग्नलमध्ये बिघाड करुन थांबवत ‎‎चोरांनी लूट केली. ही घटना शनिवारी‎ मध्यरात्री घडली.

याप्रकरणी उशिरापर्यंत रेल्वे ‎‎पोलिस ठाण्यात गुन्हा दाखल करण्यात‎ आलेला नव्हता. परळी हे नांदेड व सिकंदराबाद विभागांना ‎‎जोडणारे रेल्वे स्टेशन आहे.

परळीमार्गे दररोज ‎‎किमान 25 रेल्वेगाड्या धावत असतात.‎ काकीनाडा पोर्ट ते साईनगर शिर्डी ही एक्सप्रेस‎नेहमीप्रमाणे शनिवार रोजी रात्री 11.45 वाजता‎परळी रेल्वेस्थानकातून सुटली.

त्यानंतर‎उखळी ते वडगाव निळा दरम्यान असलेल्या‎आऊटर सिग्नलला बिघाड करत ही रेल्वे‎थांबवण्यात थांबवण्यात आली. काही जणांनी‎रेल्वेत शिरुन आतील प्रवाशांची लूट केली. ‎याच दरम्यान वडगाव निळा स्टेशनवर तैनात‎ रेल्वे पोलिसांनी धाव घेताच चोरट्यांनी पलायन‎‎‎‎‎‎‎‎‎‎‎‎‎‎‎‎‎‎‎‎‎‎‎केले.

घटना घडली ते ठिकाण सोनपेठ पोलिस‎ठाण्याच्या हद्दीत येत असले तरी याबाबत‎अद्याप तक्रार दाखल करण्यासाठी कुणीही ‎आलेले नसल्याने तक्रार दाखल नसल्याचे‎ परळी रेल्वे पोलिस ठाण्याचे पीएसआय‎ सोमनाथ वाघमोडे यांनी सांगितले.

दोन‎ दिवसापूर्वीच घाटनांदुर स्थानकावर प्रवाशांना‎ लुटल्याची घटना ताजी असताना ही घटना‎ घडल्याने रेल्वे प्रवाशांच्या सुरक्षिततेचा प्रश्न ‎ऐरणीवर आला आहे.‎