Will Jacks Catch : ‘द हंड्रेड’मध्ये विल जॅक्सचा ‘सुपरमॅन’ झेल! सीमारेषेवर घेतलेल्या अद्भूत कॅचने क्रीडाविश्व थक्क, पाहा VIDEO
Will Jacks Catch : द हंड्रेड लीगमध्ये एमआय लंडनचा खेळाडू विल जॅक्सने घेतलेल्या अप्रतिम कॅचचा व्हिडीओ तुफान व्हायरल होत आहे.
Will Jacks Superman Catch Video Viral in The Hundred 2026 : ‘द हंड्रेड २०२६’ (The Hundred 2026) स्पर्धेत गुरुवारी (६ ऑगस्ट) खेळल्या गेलेल्या रोमहर्षक सामन्यात एमआय लंडन (MI London) संघाने लंडन स्पिरिटचा ४ गडी राखून पराभव केला. लंडनच्या ऐतिहासिक लॉर्ड्स मैदानावर पार पडलेल्या या सामन्याला तब्बल २७ हजार प्रेक्षकांनी हजेरी लावून ग्रुप स्टेज सामन्याचा नवा विक्रम रचला. मात्र, या सामन्यातील विजयापेक्षाही जास्त चर्चा रंगली ती एमआय लंडनच्या विल जॅक्सने (Will Jacks) सीमारेषेवर घेतलेल्या एका अविश्वसनीय आणि अद्भूत झेलाची, ज्याचा व्हिडीओ तुफान व्हायरल होत आहे. (Will Jacks Catch)
असा घेतला ‘सुपरमॅन’ कॅच! (Will Jacks Catch)
सामन्यात लंडन स्पिरिटचा फलंदाज लुआन-ड्रे प्रिटोरियस अर्धशतक ठोकून तुफानी फटकेबाजी करत होता. त्याने मारलेला एक उंच फटका सीमारेषेबाहेर ६ धावांसाठी जात होता. परंतु, बाउंड्री लाईनवर उभ्या असलेल्या विल जॅक्सने क्षणाचाही विलंब न करता आधी चेंडू सीमारेषेबाहेर जाण्यापासून रोखला आणि तो मैदानाच्या आत फेकला. त्यानंतर चपळाईने मैदानात परतत जॅक्सने हवेत डाईव्ह मारून एका हाताने अत्यंत अद्भूत असा झेल पूर्ण केला. हा ‘सुपरमॅन’ झेल पाहून फलंदाजासह स्टेडियममधील हजारो प्रेक्षक आणि समालोचक अवाक झाले.
🚨 STOP scrolling and watch this UNBELIEVABLE catch 🤯
Will Jacks, that is incredible 🤌
Watch #TheHundred on Sky Sports Cricket or Youtube 🎬#RoadToTheEliminator pic.twitter.com/nshTNJCy6g
— The Hundred (@thehundred) August 6, 2026
एमआय लंडनचा सहज विजय! (Will Jacks Catch)
OH. MY. WORD. 🤯
Simply sensational from Will Jacks.#MILondon 💙💚 pic.twitter.com/ugBiORZKjZ
— MI London (@MILondonCricket) August 6, 2026
लंडन स्पिरिटने प्रथम फलंदाजी करताना ५ बाद १६० धावा केल्या होत्या. प्रत्युत्तरात एमआय लंडनने सिकंदर रझाच्या (१६ चेंडूंत ३२ धावा) आक्रमक खेळीच्या जोरावर ६ चेंडू बाकी असतानाच १६१ धावांचे लक्ष्य सहज गाठले.
आयपीएलमध्ये मुंबई इंडियन्सकडून खेळणाऱ्या विल जॅक्सने घेतलेला हा एकहाती झेल ‘द हंड्रेड’च्या इतिहासातील आणि आंतरराष्ट्रीय क्रिकेट जगतातील सर्वात अव्वल झेलांपैकी एक म्हणून क्रिकेटप्रेमींच्या दीर्घकाळ लक्षात राहील. (Will Jacks Catch)
