Anushka Shetty : साऊथ चित्रपटसृष्टीतील लोकप्रिय अभिनेत्री अनुष्का शेट्टी लवकरच लग्नबंधनात अडकणार असल्याची जोरदार चर्चा रंगली आहे. बाहुबली चित्रपटातून अनुष्काला मोठी प्रसिद्धी मिळाली होती. देवसेना हे पात्र तिने साकारले होते. तिच्या भूमिकेचे प्रेक्षकांनी भरभरून कौतुक केले होते. आता तिचे नाव एका बिझनेसमनसोबत जोडले जात असून, ती लवकरच विवाहबंधनात अडणार असल्याचे बोलले जात आहे. मात्र, ती नेमकं कोणासोबत लग्न करणार याची अधिकृत माहिती समोर आलेली नाही. मिळालेल्या माहितीनुसार, अभिनेत्री आता नव्या आयुष्याची सुरुवात करण्याच्या तयारीत आहे. ती अरेंज मॅरेज करण्याचा विचार करत असून, बेंगळुरूतील एका बिझनेसमनसोबत तिचं लग्न होऊ शकतं. अशा बातम्या समोर येत आहेत. त्यामुळे या बातम्यांबाबत अधिकृत घोषणा होण्याची चाहत्यांना उत्सुकता लागली आहे. हेही वाचा : Uri Sector: जम्मूमध्ये घुसखोरीचा प्रयत्न उधळला ; उरी सेक्टरमध्ये सुरक्षा दलांकडून पाक दहशतवाद्याला कंठस्नान मंगळुरूमध्ये जन्मलेल्या अनुष्का शेट्टीने आपल्या अभिनय आणि सौंदर्यामुळे चाहत्यांच्या मनात आपले अढळ स्थान निर्माण केले आहे. साऊथ चित्रपटसृष्टीतील अनेक दिग्गज अभिनेत्यांसोबत तिने स्क्रिन शेअर केली आहे. अनुष्का शेट्टी 44 वर्षांची झाली आहे. कधीकाळी तिचे नाव अभिनेता प्रभासोबत जोडले जात होते. दोघेही अनेकदा एकत्र दिसले होते. त्यामुळे दोघेही रिलेशनमध्ये असल्याची चर्चा सुरू होती. दोघांनीही अनेक वेळा स्पष्ट केले होते की ते फक्त चांगले मित्र आहेत आणि त्यांच्यात प्रेमसंबंध नाहीत. आगामी प्रोजेक्ट्स कोणते? दरम्यान, अनुष्का शेट्टी अजूनही सिनेसृष्टीत सक्रिय असून, वेगवेगळ्या भूमिका साकारून चाहत्यांचे मनोरंजन करत असते. 2025 मध्ये तिचा ‘घाटी’ हा अॅक्शन-ड्रामा चित्रपट प्रदर्शित झाला होता, चित्रपटाला फार यश मिळाले नसले तरी तिच्या अभिनयाचे कौतुक झाले होते. आता 2026 मध्ये ती ‘कथनर’ या चित्रपटात झळकणार आहे. या चित्रपटात तिच्यासोबत जयसुर्या प्रमुख भूमिकेत असणार आहे. हेही वाचा : Maharashtra Weather : वाढत्या उन्हामुळे शाळेच्या वेळेत बदल! ‘या’ जिल्ह्याने घेतला निर्णय
