Paris Olympics 2024 (Women’s Freestyle 76 kg, Reetika Hooda vs Aiperi Medet Kyzy) : भारतीय कुस्तीपटू रितिका हुडा हिला महिलांच्या 76 किलो फ्रीस्टाइल कुस्तीच्या उपांत्यपूर्व फेरीत पराभवाला सामोरे जावे लागले. 10 जुलै रोजी खेळल्या गेलेल्या उपांत्यपूर्व फेरीत, रितिकाला किर्गिस्तानच्या अव्वल मानांकित आणि दोन वेळा वर्ल्ड चॅम्पियनशिप पदक विजेती एपेरी किझीने पराभूत केले. सामना संपला तेव्हा स्कोअर 1-1 असा बरोबरीत होता. परंतु शेवटचा पॉइंट(गुण) किझीला मिळाला होता, ज्यामुळे ती विजेती बनण्यात यशस्वी झाली. रितिकाला आता रिपेचेजद्वारे कांस्यपदक जिंकण्याची संधी असेल. मात्र, एपेरी किझी या स्पर्धेच्या अंतिम फेरीत पोहोचू दे, अशी रितिकाला प्रार्थना करावी लागेल.

असा झाला सामना…

रितिकाला उपांत्यपूर्व फेरीत किर्गिस्तानच्या अव्वल मानांकित एइपेरी मेडेट किझीने पराभूत केले आहे. सामन्यात रितिकाने पॅसिव्हिटी वेळेत 1-0 अशी आघाडी घेतली होती. पहिल्या फेरीनंतरचा हा गुण होता. मात्र, दुसऱ्या फेरीत किर्गिस्तानी खेळाडूलाही पॅसिव्हिटी वेळेत एक पॉइंट मिळाला आणि स्कोअर 1-1 असा बरोबरीत राहिला. दुसऱ्या फेरीच्या शेवटी एकही कुस्तीपटू गुण मिळवू शकला नाही, त्यामुळे बरोबरी असताना किर्गिस्तानच्या कुस्तीपटूला विजेता घोषित करण्यात आले. कारण कुस्तीचा सामना टाय (बरोबरी) झाल्यास, नंतर गुण मिळवणारा कुस्तीपटू विजेता ठरतो.

कुस्तीमध्ये पॅसिव्हिटीचा नियम काय आहे?

रितिकाचा उपांत्यपूर्व फेरीचा सामना अतिशय चुरशीचा होता आणि दोन्ही कुस्तीपटूंनी 1-1 गुण मिळवले. फ्रीस्टाइल कुस्तीमध्ये, सामना आक्रमक करण्यासाठी पॅसिव्हिटीचा वापर केला जातो. असे तेव्हा घडते जेव्हा पहिल्या दोन मिनिटांत कोणत्याही कुस्तीपटूने एकही गुण मिळवलेला नसतो. अशा वेळी कमी आक्रमक असलेल्या कुस्तीपटूला 30 सेकंदांत एक गुण मिळवावा लागतो. जर त्या कुस्तीपटूने तीस सेकंदात एकही गुण मिळवला नाही तर विरोधी संघाला एक गुण मिळतो.

रितिका हुडाने पहिल्या हाफमध्ये पॅसिव्हिटीद्वारे 1 गुण घेतला. त्यानंतर उत्तरार्धात किर्गिस्तानच्या कुस्तीपटूने पॅसिव्हिटीद्वारे 1 गुण घेतला. कुस्तीच्या नियमांनुसार, शेवटचे तांत्रिक गुण मिळवणारा कुस्तीपटू जिंकतो. शेवटचा गुण किर्गिस्तानच्या कुस्तीपटूने घेतल्याने ती विजेती ठरली.

रिपेचेज फेरीद्वारे कांस्यपदक जिंकण्याची संधी….

रितिकाला उपांत्यपूर्व फेरीत पराभवाला सामोरं जावे लागले असले तरी नशिबाने साथ दिली तर तिला सामन्यात पुढे जाण्याची आणखी एक संधी असेल. रितिकाला आता रिपेचेज फेरीद्वारे कांस्यपदक जिंकण्याची संधी असेल. पण त्यासाठी रितिकाला पराभूत करणारी किर्गिस्तानची अव्वल मानांकित कुस्तीपटू एइपेरी मेडेट किझीने स्पर्धेची अंतिम फेरी गाठणे गरजेचे आहे.

Paris Olympics 2024 (Wrestling) : उपांत्यपूर्व फेरीत रितिका हुड्डाला पराभवाचा धक्का, पण नशिबाने साथ दिली तर…

रितिका आहे भारतीय नौदलाची अधिकारी…

रोहतकमध्ये जन्मलेली रितिका ही भारतीय नौदलाची अधिकारी आहे. ती मुख्य क्षुद्र अधिकारी म्हणून नियुक्त आहेत. रितिकाची कारकीर्द फार मोठी नाही, ही खेळाडू 2022 मध्ये झालेल्या जागतिक ज्युनियर चॅम्पियनशिपमध्ये 72 किलो गटात कांस्यपदक जिंकण्यात यशस्वी ठरली होती. यानंतर या खेळाडूने 2023 मध्ये तिराना येथे झालेल्या 23 वर्षांखालील जागतिक अजिंक्यपद स्पर्धेत सुवर्णपदक जिंकले होते. 2024 मध्येच रितिकाने आशियाई चॅम्पियनशिपमध्ये 72 किलो गटात कांस्यपदक जिंकले होते.