Asim Sarode’s post : शिवसेनेत उभी फुट पडल्यानंतर शिवेसना चिन्हाबाबतचा निर्णय अद्यापर्यंत झालेला नाही. आज या प्रकरणी पुन्हा सुप्रीम कोर्टात सुनावणी पार पडणार आहे. या सुनावणीकडे संपूर्ण महाराष्ट्राचे लक्ष लागलेले आहे. माजी मुख्यमंत्री उद्धव ठाकरे आणि उपमुख्यमंत्री एकनाथ शिंदे यांच्यातील शिवसेना पक्ष आणि धनुष्यबाण या निवडणूक चिन्ह प्रकरणाची अंतिम सुनावणी आज सुप्रीम कोर्टात होणार आहे.

पक्षाचे नाव आणि चिन्ह याबाबत दोन्ही शिवसेनेकडून दावा केला जात आहे. सध्या शिवसेना नाव आणि चिन्ह उपमुख्यमंत्री एकनाथ शिंदे यांच्याकडे आहे. त्यामुळे या सुनावणीत नेमका विजय कोणाचा होणार याची उत्सुकता दोन्ही शिवसेनेतील नेते आणि कार्यकर्त्यांना लागलेली आहे. अशातच कोर्टात ठाकरेंच्या शिवसेनेची बाजू मांडणारे वकील असीम सरोदे यांनी सुनावणी पार पडण्यापूर्वी त्यांच्या एक्स अकाऊंटवरून पोस्ट करत एकनाथ शिंदे यांच्यावर गंभीर आरोप केले आहेत.

शिवसेना पक्षचिन्ह प्रकरण जस्टीस सूर्यकांत यांच्या बेंचसमोर आज 16 नंबरला लागलेले असल्याने ते प्रकरण सुनावणीसाठी रिच होणार हे नक्की परंतु एका इतर एका अर्धवट सुनावणी झालेल्या प्रकरणातील बेंचचे सुद्धा जस्टीस सूर्यकांत सदस्य न्यायाधीश आहेत. त्यामुळे शिवसेना पक्षचिन्ह प्रकरणाची सुनावणी…

— Asim Sarode (@AsimSarode) October 8, 2025

वकील असीम सरोदे यांनी एक्सवर पोस्ट करत मोठा प्रश्न उपस्थित केला आहे. शिवसेना पक्षचिन्ह प्रकरण जस्टीस सूर्यकांत यांच्या बेंचसमोर आज 16 नंबरला लागलेले असल्याने ते प्रकरण सुनावणीसाठी रिच होणार हे नक्की. परंतु एका इतर एका अर्धवट सुनावणी झालेल्या प्रकरणातील बेंचचे सुद्धा जस्टीस सूर्यकांत सदस्य न्यायाधीश आहेत. त्यामुळे शिवसेना पक्षचिन्ह प्रकरणाची सुनावणी आज पूर्ण होईल का असे प्रश्नचिन्ह आहे. त्याचवेळी एकनाथ शिंदे यांच्यातर्फे असे प्रयत्न होतीलच की सुनावणी पुढे ढकलली जावी, असा आरोप असीम सरोदे यांनी यांनी एकनाथ शिंदे यांच्यावर केला आहे.

शिवसेना धनुष्यबाण चिन्हाबाबत उद्या अंतिम सुनावणी घेणार असे सर्वोच्च न्यायालयाने जाहीर केले आहे. दिनांक 8 ऑक्टोबरला जस्टीस सूर्यकांत नक्की सुनावणी घेतील अशी अपेक्षा आहे. इकडे मोदी बांधून तयार नसलेल्या विमानतळाचे नवी मुंबईत दिखाऊ उदघाटन करणार आणि त्याचवेळी संविधानासोबत अनैतिकता करून सत्तेच्या हवेत असलेल्या एकनाथ शिंदे यांचे विमान सर्वोच्च न्यायालय जमिनीवर पाडणार का? लवकरच कळेल. असेही पोस्टमध्ये असिम सरोदे यांनी म्हटले आहे.