Delv AI Company : अवघ्या 16 वर्षाच्या प्रांजली अवस्थीने 2022 मध्ये आपला स्टार्टअप सुरू केला होता. जो आज 100 कोटी रुपयांवर पोहोचला आहे. तिच्या कंपनीचे नाव Delv AI आहे, जी तंत्रज्ञानाच्या जगात संशोधन आणि डेटासाठी काम करते. चला आज तर मग प्रांजलीची प्रेरणादायी स्टोरी जाणून घेऊयात…..

अवघ्या 16 वर्षांच्या प्रांजली अवस्थीने स्वतःच्या बळावर असे काही केले आहे, ज्यामुळे आज सर्वत्र तिची चर्चा होत आहे. प्रांजलीने जानेवारी 2022 मध्ये स्टार्टअप सुरू केले, ज्याची किंमत आता 100 कोटी रुपये आहे. त्याच्या कंपनीचे नाव Delv AI आहे, जी तंत्रज्ञानाच्या जगात संशोधन आणि डेटासाठी काम करते. प्रांजलीकडे 10 कर्मचाऱ्यांची टीम आहे. तिने जानेवारी 2022 मध्ये कंपनी सुरू केली आणि आधीच $450,000 (रु. 3.7 कोटी) निधी उभारला आहे.

तंत्रज्ञानासोबतचा तिचा प्रवास तरुण वयात सुरू झाला. ती वडिलांना तिच्या प्रवासाची पहिली प्रेरणा मानते. तिचे वडील एक अभियंता आहे. तिने मीडिया आउटलेटला सांगितले की ती 11 व्या वर्षी भारतातून तिच्या कुटुंबासह फ्लोरिडाला गेली आणि संगणक विज्ञान आणि गणिताचे जग तिच्यासाठी खुले झाले. वयाच्या 13 व्या वर्षी, तिने विद्यापीठाच्या संशोधन प्रयोगशाळेत इंनटर्नशिप सुरू केले, शाळेत असताना फ्लोरिडा स्टेट युनिव्हर्सिटीमध्ये मशीन लर्निंग प्रकल्पांवर काम केले. कोविड दरम्यान, तिने आठवड्यातून सुमारे 20 तास इंटर्नशिप केली.

तिच्या इंटर्नशिपच्या दिवसांत, तिने AI समस्या कशा सोडवता येईल याचा विचार करायला सुरुवात केली आणि Delv.AI ची कल्पना सुचली. 2021 मध्ये, प्रांजलीने मियामीमधील AI स्टार्टअप एक्सीलरेटरमध्ये स्थान पटकावले. तिला बॅकएंड कॅपिटलचे लुसी गुओ आणि डेव्ह फोंटेनोटच्या लीडरशिपमध्ये मदत केली. त्यानंतर तिने Delv.AI ला प्रोडक्ट हंटवर लॉंच केले. एक्सेलेरेटर प्रोग्रॅमने प्रांजलीला ऑन डेक आणि व्हीलेज ग्लोबलमधून गुंतवणूक करण्यास मदत केली.

दरम्यान, Delv.AI ही कंपनी उपलब्ध ऑनलाईन कंटेंटपैकी रिसर्चर्सना विशिष्ट माहिती कौशल्यपूर्ण पद्धतीने मिळवून देण्यासाठी काम करते. Delv.AI चा प्राथमिक उद्देश संशोधकांना ऑनलाइन सामग्रीच्या व्याप्तीमध्ये विशिष्ट माहिती मिळविण्यात मदत करणे हा त्यामागचा उद्देश असल्याचे देखील ती सांगते. Delv.AI ने $450,000 (अंदाजे ₹3.7 कोटी) निधी उभारला आणि आता त्याचे अंदाजे मूल्य $12 दशलक्ष (₹100 कोटी) आहे.