Mangesh Chivate : राज्यातील विधानपरिषदेच्या पाच जागांसाठी निवडणूक कार्यक्रम जाहीर झाल्यानंतर महायुतीतील जागावाटपाचा मुद्दा चर्चेत आला आहे. यामध्ये पुणे शिक्षक मतदारसंघाकडे विशेष लक्ष लागले आहे. या जागेसाठी भाजप आणि शिवसेना (शिंदे गट) या दोन्ही पक्षांकडून इच्छुकांची नावे पुढे आली आहेत. अद्याप महायुतीकडून अंतिम उमेदवाराची अधिकृत घोषणा झालेली नाही. (Mangesh Chivate)

शिवसेना (शिंदे गट) कडून उपमुख्यमंत्री एकनाथ शिंदे यांच्या वैद्यकीय मदत कक्षाचे प्रमुख मंगेश चिवटे यांनी पुणे शिक्षक मतदारसंघातून निवडणूक लढवण्याची तयारी केली आहे. चिवटे यांनी यापूर्वीच शिंदे यांच्या नेतृत्वाखाली निवडणूक लढवण्याची घोषणा केली असून, पुणे विभागातील पाचही जिल्ह्यांमध्ये शिक्षकांशी संपर्क आणि मेळाव्यांवर भर दिला आहे. (Mangesh Chivate)

दुसरीकडे भाजप नेते आणि मंत्री चंद्रकांत पाटील यांनी पुणे पदवीधर आणि पुणे शिक्षक हे दोन्ही मतदारसंघ भाजपचे पारंपरिक मतदारसंघ असल्याचा दावा केला आहे. त्यामुळे महायुतीतील जागावाटपावरून दोन्ही पक्षांमध्ये चर्चा होण्याची शक्यता आहे. (Mangesh Chivate)

भाजपकडून कौस्तुभ गावडे यांचे नाव चर्चेत

भाजपकडून पुणे शिक्षक मतदारसंघासाठी कौस्तुभ गावडे यांचे नाव चर्चेत आहे. ते श्री स्वामी विवेकानंद शिक्षण संस्थेशी संबंधित असून, त्यांच्या उमेदवारीसाठी भाजपमधील काही नेते आग्रही असल्याची माहिती आहे. याशिवाय माजी आमदार दत्तात्रय सावंत आणि विद्यमान आमदार जयंत आसगावकर यांचीही नावे इच्छुकांमध्ये आहेत. (Mangesh Chivate)

कोण आहेत मंगेश चिवटे?

मंगेश नरसिंह चिवटे हे शिवसेना (शिंदे गट) मधील नेते असून, ते एकनाथ शिंदे यांचे निकटवर्तीय मानले जातात. शिंदे मुख्यमंत्री असताना चिवटे यांनी मुख्यमंत्री वैद्यकीय सहाय्यता कक्षात विशेष कार्य अधिकारी म्हणून काम पाहिले. मुख्यमंत्री वैद्यकीय सहाय्यता कक्षाची संकल्पना मांडण्यात त्यांची भूमिका असल्याचे बोलले जात आहे. सध्या ते उपमुख्यमंत्री वैद्यकीय मदत कक्षाचे प्रमुख म्हणून कार्यरत आहेत. या कक्षाची जबाबदारी त्यांच्याकडे सोपवण्यात अली आहे. (Mangesh Chivate)

आरोग्य क्षेत्रातील कामाबरोबरच चिवटे यांनी शिक्षकांच्या प्रश्नांवरही लक्ष केंद्रित केले आहे. शिक्षकांच्या प्रलंबित मागण्या, वैद्यकीय सुविधा, वेतन आणि सेवा-संबंधित प्रश्नांबाबत शासनाकडे पाठपुरावा केल्याचे त्यांनी सांगितले आहे. पुणे शिक्षक मतदारसंघातील पुणे, सातारा, सांगली, सोलापूर आणि कोल्हापूर या जिल्ह्यांमध्ये त्यांनी शिक्षक मेळावे घेतले आहेत. (Mangesh Chivate)

शिंदे गटाकडून चिवटेंच्या उमेदवारीसाठी प्रयत्न

चिवटे यांना पुणे शिक्षक मतदारसंघातून उमेदवारी मिळावी यासाठी शिंदे गटाकडून प्रयत्न सुरू आहेत. भाजपकडूनही या जागेवर दावा करण्यात येत असल्याने महायुतीतील जागावाटप महत्त्वाचे ठरणार आहे. काही दिवसांपूर्वी चिवटे यांनी केंद्रीय गृहमंत्री अमित शाह यांची भेटही घेतली आहे. (Mangesh Chivate)

दरम्यान, महायुतीकडून उमेदवारी न मिळाल्यास चिवटे यांना अन्य आघाडीच्या माध्यमातून पाठिंबा देण्याची घोषणा राजेंद्र पाटील यड्रावकर यांनी केली आहे. त्यामुळे चिवटेंच्या उमेदवारीभोवतीची राजकीय चर्चा आणखी वाढली आहे. (Mangesh Chivate)

पुणे शिक्षक मतदारसंघाचा निकाल काय सांगतो?

२०२०च्या निवडणुकीत काँग्रेसचे जयंत आसगावकर विजयी झाले होते. यंदाच्या निवडणुकीत आसगावकर यांच्यासह दत्तात्रय सावंत, मंगेश चिवटे, कौस्तुभ गावडे, सचिन सानप आणि इतर इच्छुकांची नावे चर्चेत आहेत. मात्र अंतिम उमेदवारी आणि महायुतीतील जागावाटप अद्याप निश्चित झालेले नाही. (Mangesh Chivate)

२९ सप्टेंबरपासून उमेदवारी अर्ज दाखल करण्यास सुरुवात झाली असून ६ ऑक्टोबर ही अर्ज भरण्याची अंतिम तारीख आहे. २३ ऑक्टोबरला मतदान, तर २७ ऑक्टोबरला मतमोजणी होणार आहे. (Mangesh Chivate)

Mangesh Chivate : उपमुख्यमंत्री वैद्यकीय मदत कक्षाची घोषणा; पुन्हा मंगेश चिवटेंकडे सोपवली धुरा