Best Patpedhi Election |  मनसे प्रमुख राज ठाकरे आणि (शिवसेना) ठाकरे गटाचे प्रमुख उद्धव ठाकरे तब्बल २० वर्षांनंतर एकाच मंचावर पाहायला मिळाले. त्यानंतर आगामी स्थानिक स्वराज्य संस्थांच्या निवडणुकीत शिवसेना ठाकरे गट आणि मनसे युती करणार असल्याच्या देखील चर्चा सुरु झाल्या. याबाबत अद्याप कोणतीही अधिकृतरित्या घोषणा करण्यात आलेली नाही. मात्र बेस्ट पतपेढीच्या निवडणुकीत दोन्ही ठाकरे बंधुची युती झाली आहे.

ठाकरे गटाची बेस्ट कामगार सेना आणि मनसेची बेस्ट कामगार कर्मचारी सेना यांनी युती केली आहे. बेस्ट पतपेढीची निवडणूक ठाकरे बंधू एकत्रित लढवणार असल्याने त्यांची ही पहिली एकत्र निवडणूक ठरणार आहे. या निवडणूकीसाठी गुरुवारी दुपारी 4 पर्यंत अर्ज मागे घेण्याची मुदत होती. काही अर्ज मागे घेतल्यानंतर या युतीचं जागावाटप समोर आलं आहे. Best Patpedhi Election |

21 जागांपैकी ठाकरेंची सेना 19 तर… 

बेस्टच्या निवडणुकीत 21 जागांपैकी ठाकरेंची सेना 19 तर मनसे 2 जागा उत्कर्ष पॅनल म्हणून एकत्रित लढणार आहे. यातून ठाकरे गट हा मोठा भाऊ ठरला आहे. तर राज ठाकरेंच्या पक्षाला केवळ 2 जागांवर समाधान मानावे लागले आहे. बेस्टच्या पतपेढी निवडणुकीसाठी 18 ऑगस्ट रोजी मतदान होणार आहे. Best Patpedhi Election |

दरम्यान, उद्धव ठाकरेंना दिल्ली दौऱ्यात राज ठाकरेंसंदर्भात प्रश्न विचारण्यात आला असता कोणताही निर्णय घेण्यास आम्ही दोघे (राज आणि उद्धव) समर्थ आहोत,” असं उत्तर दिले होते.

महापालिकेतही युती होण्याची शक्यता

बेस्ट पतपेढीच्या निवडणुकीत ठाकरे बंधुची युती झाल्याने आता स्थानिक स्वराज्य संस्थांच्या निवडणुकीतही या दोन्ही पक्षांची युती होण्याची शक्यता नाकारता येत नाही. ठाकरे गट आणि मनसे युतीबाबत कार्यकर्ते आणि नेते आग्रही असल्याची माहिती समोर आलेली आहे. मात्र या युतीची कोणतीही अधिकृत घोषणा अद्याप करण्यात आलेली नाही. Best Patpedhi Election |

हेही वाचा : 

Kapil Sharma: सलमानशी जवळीक जीवघेणी? कपिल शर्माच्या कॅफेवर पुन्हा गोळीबार, बिश्नोई गँगची धमकी चर्चेत