आपल्या हिंदू धर्मात महाशिवरात्रीला विशेष महत्व आहे. महाशिवरात्रीच्या दिवशी महादेवाची पूजा करून त्यांचा आशीर्वाद घेतला जातो. पौराणिक माहितीनुसार महाशिवरात्रीच्या दिवशी महादेव आणि माता पार्वती यांचा विवाह सोहळा पार पडला होता. त्यामुळे अनेक भक्त महाशिवरात्रीचे व्रत आणि पूजा करतात. असे मानले जाते कि महाशिवरात्रीची पूजा केल्यामुळे तुमच्या सर्व इच्छा, आकांक्षा पूर्ण होतात. महाशिवरात्रीच्या दिवशी निर्जला व्रत किंवा फळांचे व्रत केले जाते.

महाशिवरात्रीच्या दिवशी काही विशेष गोष्टींचे पालन केल्यामुळे तुमच्या आयुष्यामध्ये प्रगती होते. महाशिवरात्रीच्या दिवशी निर्जला उपवास केल्यामुळे तुम्हाला महादेव आणि माता पार्वतीचा आशिर्वाद मिळतो. निर्जला व्रत म्हणजे पाणी किंवा अन्न न घेता संपूर्ण दिवस आणि रात्र उपवास केला जातो. अशा परिस्थितीमध्ये महाशिवरात्रीच्या दिवशी नेमकं काय खाल्लं पाहिजे असा प्रश्न सगळ्यांना पडतो. आजच्या लेखात आपण याबद्दल जाणून घेऊयात…

फाल्गुन महिन्यातील कृष्ण पक्षातील चतुर्थी तिथीला म्हणजेच 26 फेब्रुवारी बुधवारी सकाळी 11:08 वाजल्यापासून 27 फेब्रुवारी रोजी सकाळी 8:54 वाजेपर्यंत असणार आहे. महाशिवरात्रीची पूजा रात्री केली जाते, म्हणून महाशिवरात्रीचे व्रत 26 फेब्रुवारी रोजी केले जाणार आहे.

महाशिवरात्रीच्या दिवशी काय सेवन करावे?
महाशिवरात्रीच्या उपवासात विविध प्रकारची फळे खाऊ शकतात. तुम्ही साबुदाण्याची खिचडी किंवा वडा, चेस्टनटच्या पिठापासून बनवलेली रोटी किंवा पराठा, मखाना खीर किंवा भाजलेला मखाना, दूध, दही आणि चीज, सुका मेवा खाऊ शकता.

महाशिवरात्रीच्या दिवशी काय सेवन करू नये?
महाशिवरात्रीच्या उपवासात धान्ये म्हणजेच गहू, तांदूळ आणि इतर धान्ये खाऊ नयेत. कांदा, लसूण, मुळा, वांगी, मांस, मासे किंवा तामसिक पदार्थाचे सेवन करू नये.