Lalit Modi Share Harbhajan Singh and Sreesanth Video : आयपीएलच्या पहिल्या हंगामात (2008) एक मोठा वाद उद्भवला होता, जेव्हा मुंबई इंडियन्स आणि पंजाब किंग्स यांच्यातील सामन्यानंतर भारतीय फिरकी गोलंदाज हरभजन सिंग याने माजी वेगवान गोलंदाज श्रीसंत याला जोरदार चापट मारली होती. आता, 18 वर्षांनंतर, माजी आयपीएल आयुक्त ललित मोदी यांनी या घटनेचा व्हिडिओ प्रसिद्ध केला आहे. त्यांनी सांगितले की, टीव्ही कॅमेरे बंद असताना त्यांच्या सुरक्षितता कॅमेऱ्याने ही घटना टिपली होती.

काय घडले होते?

मुंबई इंडियन्स आणि पंजाब किंग्स यांच्यातील सामन्यानंतर खेळाडू हस्तांदोलन करत होते. यावेळी हरभजन आणि श्रीसंत यांच्यात बाचाबाची झाली. ललित मोदी यांनी एका पॉडकास्टमध्ये सांगितले, “सामना संपल्यानंतर खेळाडू एकमेकांना हाय-फायव्ह आणि हस्तांदोलन करत होते. श्रीसंत आणि हरभजन यांची वेळ आली तेव्हा हरभजनने श्रीसंतला जवळ बोलावले आणि त्याला चापच मारली.” या घटनेनंतर हरभजनवर 11 सामन्यांची कठोर बंदी घालण्यात आली होती.

व्हिडिओत काय दिसते?

One of the wildest moments in IPL history, Unseen footage of the Bhajji–Sreesanth slapgate that never been aired#IPL pic.twitter.com/E9Ux8bodOW

— Vishal (@Fanpointofviews) August 29, 2025

प्रकाशित व्हिडिओत श्रीसंत रडताना दिसत आहे. तो हरभजनला प्रत्युत्तर देण्याचा प्रयत्न करतो, पण महेला जयवर्धने आणि इरफान पठान त्याला थांबवतात. हरभजन पुन्हा श्रीसंतजवळ येऊन रागात इशारा करतो, ज्यामुळे तणाव वाढतो. यानंतर पंजाबच्या खेळाडूंनी श्रीसंतला तिथून दूर नेले. ज्याचा व्हिडीओ आता तुफान व्हायरल होत आहे.

हेही वाचा – BCCI : बीसीसीआय अध्यक्ष रॉजर बिन्नी यांचा राजीनामा, हंगामी प्रमुख कोण? जाणून घ्या

हरभजन-श्रीसंत यांचे नाते –

हरभजनने याप्रकरणी अनेकदा श्रीसंतची माफी मागितली आहे. 2019 मध्ये त्याने सांगितले की, श्रीसंतला चापट मारणे हा त्याच्या आयुष्यातील सर्वात मोठा पश्चाताप आहे. दुसरीकडे, 2023 मध्ये श्रीसंतने या घटनेला फारसे महत्त्व न देता सांगितले की, हरभजन आणि त्यांच्यात नेहमीच मैत्री राहिली आहे. “हा फक्त एक गैरसमज होता. भज्जी पाजींनी नेहमीच मला पाठिंबा दिला, अगदी अलीकडेच समालोचनासाठी टिप्स सुद्धा दिल्या,” असे श्रीसंत म्हणाला.

हेही वाचा – Duleep Trophy 2025 : मालेवार-पाटीदार जोडीचा शतकी धमाका! सेंट्रल झोनची पहिल्या दिवशी मजबूत पकड

ललित मोदींचा खुलासा –

ललित मोदी यांनी सांगितले की, त्यांनी हा व्हिडिओ गुप्त ठेवला होता. “टीव्ही कॅमेरे बंद होते, पण माझा एक सुरक्षितता कॅमेरा चालू होता,” असे त्यांनी स्पष्ट केले. या घटनेने आयपीएलच्या पहिल्या हंगामाला वादग्रस्त बनवले होते. आता हा व्हिडिओ समोर आल्याने पुन्हा चर्चा सुरू झाली आहे.