Annu Kapoor : बॅालिवूड सिनेसृष्टीतील अनेक कलाकारांकडून अशी काही विधाने केली जातात की त्या विधानामुळे त्यांना प्रचंड ट्रोल केले जाते. नुकत्याच दिलेल्या एका मुलाखतीत ज्येष्ठ अभिनेते अन्नू कपूर यांनी केलेल्या विधानाने सोशल मीडियावर नेटकऱ्यांकडून तीव्र शब्दांत निषेध नोंदविण्यात येत आहे. त्यांनी प्रसिद्ध अभिनेत्री तमन्ना भाटिया हिच्याबाबत आक्षेपार्ह विधान केले आहे.

याअगोदरही अभिनेते अन्न कपूर हे त्यांच्या वादग्रस्त विधानांंमुळे अडचणीत सापडलेले आहेत, पण यावेळी त्यांनी एका प्रसिद्ध अभिनेत्रीवर केलेल्या आक्षेपार्ह विधानावर सर्वच स्तिरातून तीव्र प्रतिक्रिया उमटत आहेत. त्यामुळे ते चांगलेच अडचणीत सापडले आहेत.

अभिनेत्री तमन्ना भाटिया अभिनयाबरोबरच तिच्या हटके डान्ससाठी प्रसिद्ध आहे. स्त्री २ या सिनेमातील ‘आज की रात’ या गाण्याने तिला मोठी प्रसिद्ध मिळवून दिली. त्यानंतर  बॅालिवूड इंडस्ट्रीत खऱ्या अर्थाने तमन्ना प्रकाशझोतात आली. तिचा चाहतावर्ग मोठा असून तिच्या अनोख्या स्टाइलचे अनेकजण दिवाणे आहेत. त्यामुळे तिच्याबद्दल केलेल्या विधानाविषयी चाहत्यावर्गाने अन्न कपूर यांच्यावर सोशल मीडियाच्या माध्यमातून टीकेची झोड उठवली आहे.

नेमकं काय म्हणाले अन्नू कपूर?

शुभंकर मिश्रा याला दिलेल्या मुलाखतीत अन्नू कपूर यांना ‘आज की रात’ हे गाणे आवडले का? असे विचारले,  तेव्हा ते लगेच उत्साहाने बोलले की, “माशाअल्लाह क्या दूधिया बदन है” त्यांच्या याच आक्षेपार्ह टिप्पणीवरून मोठा वाद निर्माण झाला असून त्यांना प्रचंड ट्रोल केले जात आहे.

हे गाणे ऐकल्यानंतर मुले लगेच झोपी जातात. असे विचारले असता, झोपी जाणारी मुले किती वर्षांची असतात? 70 वर्षांचे लहान मुलं असू शकते ना, जर मी तेथे असतो तर मी विचारले असते की, किती वर्षांची मुले झोपी जातात. इंग्रजीत म्हणतात की तो 70 वर्षांचा मुलगा आहे आणि हा 11 वर्षांचा म्हातारा आहे, असे ते म्हणाले.

पुढे ते म्हणाले, ताई आपल्या मुलांना तिच्या गाण्यांनी, तिच्या शरीराने आणि तिच्या दुधाळ चेहऱ्याने झोपवते. ही चांगली गोष्ट आहे. आपली मुले शांत आणि निरोगी झोपली तर ते देशासाठी चांगले आहे. जर तुमच्या इतर काही इच्छा असतील तर देव त्या पूर्ण करो.

हेही वाचा : “हे कफ सिरप नाही तर विष आहे…” ; कोल्ड्रिफ प्रकरणानंतर WHO कडून ‘या’ तीन कंपन्यांविरुद्ध कडक इशारा