West Bengal : पश्चिम बंगालमधील पोटनिवडणुकीत भाजपने रेजीनगर आणि नंदीग्राम या दोन्ही विधानसभा मतदारसंघांत मोठा विजय मिळवला. मुस्लिमबहुल रेजीनगरमध्ये भाजपचे शंकराव सरकार यांनी 75 हजार 816 मतांनी विजय मिळवला. त्यांना 1 लाख 29 हजार 914 मते मिळाली. आम जनता उन्नयन पार्टीचे गुलाम नबी आझाद यांना 54 हजार 98 मते मिळाली.

रेजीनगरमध्ये भाजपला सुमारे 63.14 टक्के मते मिळाली. या मतदारसंघात सुमारे 70 टक्के मुस्लिम मतदार आहेत. त्यामुळे भाजपचा हा विजय विशेष महत्त्वाचा मानला जात आहे. काँग्रेस, तृणमूल काँग्रेस आणि इतर पक्षांना येथे भाजपला प्रभावी आव्हान देता आले नाही.

दरम्यान, नंदीग्राममध्ये भाजपच्या हासी रानी रथ यांनी तब्बल 1 लाख 22 हजार 800 मतांनी विजय मिळवला. त्यांनी भाजपचे नेते आणि मुख्यमंत्री शुभेंदू अधिकारी यांचा यापूर्वीचा 82 हजार मतांच्या विजयाचा विक्रमही मागे टाकला.

नंदीग्रामची जागा शुभेंदू अधिकारी यांनी भवानीपूर मतदारसंघ स्वतःकडे ठेवण्यासाठी सोडली होती. त्यामुळे येथे पोटनिवडणूक झाली. हासी रानी रथ यांचा मुलगा चंद्रनाथ रथ हे अधिकारी यांचे निकटवर्तीय होते. त्यांची 6 मे रोजी गोळ्या झाडून हत्या करण्यात आली होती.

या दोन्ही विजयांमुळे पश्चिम बंगालमध्ये भाजपची राजकीय ताकद वाढल्याचे चित्र निर्माण झाले आहे.