Mamata Banerjee – पश्चिम बंगालमध्ये आम्हाला दंगली नको तर शांतता हवी आहे. दंगल भडकवणाऱ्यांचे ऐकू नका, दंगलखोरांना बाहेरून आणले जाते. राज्यामध्ये कोणत्याही प्रकारचा धार्मिक हिंसाचार चालू देणार नाही, असे प्रतिपादन तृणमूल काॅंग्रेसच्या सर्वेसर्वा आणि पश्चिम बंगालच्या मुख्यमंत्री ममता बॅनर्जी यांनी केले आहे.

बॅनर्जी मंगळवारी मुर्शिदाबादला पोहोचल्या आणि त्यांनी हिंसाचारग्रस्तांची भेट घेतली. निदर्शकांना इशारा देताना त्यांनी सांगितले की, जर तुम्हाला निदर्शने करायची असतील तर तुम्ही दिल्लीला जावे. मी बंगालमध्ये हे होऊ देणार नाही.

ममता बॅनर्जी म्हणाल्या की, येथे कोणतीही समस्या नाही. आंदोलकांनी त्यांच्या हट्टीपणामुळे येथे समस्या निर्माण करू नयेत. जर असे केले तर ती त्या लोकांची सर्वात मोठी शत्रू बनतील. जर कोणी मुर्शिदाबादच्या लोकांचे हक्क हिसकावून घेत असेल तर त्यांचे रक्षण करणे हे त्यांचे कर्तव्य आहे.

बॅनर्जी यांनी मुर्शिदाबाद जिल्ह्यातील दंगलग्रस्त भागांना भेट दिली आणि गेल्या महिन्यात झालेल्या जातीय संघर्षात बाधित झालेल्या कुटुंबांची भेट घेतली. जिल्ह्याच्या दौऱ्याच्या दुसऱ्या दिवशी, बॅनर्जी हेलिकॉप्टरने शमशेरगंजला पोहोचल्या आणि स्थानिक ब्लॉक डेव्हलपमेंट कार्यालयात पीडित कुटुंबांची बैठक घेतली.

वक्फ सुधारणा कायद्याच्या विरोधात झालेल्या निदर्शनांमध्ये शमशेरगंज, सुती आणि धुलियानसह मुर्शिदाबादच्या काही भागात हिंसाचार उसळल्यानंतर मुख्यमंत्र्यांनी पहिल्यांदाच या भागाला भेट दिली. या दंगलीत तीन जणांचा मृत्यू झाला आणि अनेक जण जखमी झाले त्याच वेळी, भाजपने मुर्शिदाबादबाबत सोशल मीडियावर जे काही आरोप केले होते ते ममता बॅनर्जी यांनी खोटे असल्याचे म्हटले.