Rain Alert : देशातील अनेक भागांत पावसाचा जोर कायम असून भारतीय हवामान विभागाने (IMD) पुढील काही दिवसांसाठी विविध राज्यांना पावसाचा इशारा दिला आहे. २५ सप्टेंबर रोजी उत्तर प्रदेश, छत्तीसगड, ओडिशा, पश्चिम बंगाल, सिक्कीम आणि उत्तराखंडसह काही भागांत मुसळधार ते अतिमुसळधार पावसाची शक्यता आहे. ओडिशातील हवामान प्रणालीचा परिणाम पूर्व आणि मध्य भारतातील काही भागांवर होत आहे. (Rain Alert)

महाराष्ट्रात कुठे पावसाचा इशारा?

महाराष्ट्रासाठी IMDच्या ताज्या अंदाजानुसार विदर्भात २५ सप्टेंबरला अतिमुसळधार पावसाचा इशारा देण्यात आला आहे. यासोबतच मेघगर्जना, विजांचा कडकडाट आणि जोरदार वाऱ्याची शक्यता आहे. २६ सप्टेंबरला विदर्भात मुसळधार पाऊस पडण्याचा अंदाज आहे. मात्र २७ सप्टेंबरपासून विदर्भासाठी कोणताही इशारा देण्यात आलेला नाही. (Rain Alert)

मध्य महाराष्ट्र आणि मराठवाड्यात २५ आणि २६ सप्टेंबरला मेघगर्जना, विजांचा कडकडाट आणि जोरदार वारे वाहण्याची शक्यता आहे. २७ सप्टेंबरनंतर या दोन्ही विभागांसाठी सध्या कोणताही इशारा नाही. (Rain Alert)

दरम्यान, कोकण आणि गोवा विभागासाठी २५ ते १ ऑक्टोबरदरम्यान कोणताही हवामान इशारा जारी करण्यात आलेला नाही, त्यामुळे मुंबई, ठाणे आणि पालघर परिसरासाठी अतिमुसळधार पावसाचा इशारा असल्याचे सध्या म्हणता येणार नाही. (Rain Alert)

उत्तर भारतातही पावसाचा जोर

IMDच्या अंदाजानुसार उत्तराखंडमध्ये २५ सप्टेंबरला मुसळधार, तर २६ सप्टेंबरला अतिमुसळधार पावसाची शक्यता आहे. २७ सप्टेंबरलाही काही भागांत अतिवृष्टीसदृश स्थिती राहू शकते. हरियाणा, चंदीगड आणि दिल्ली परिसरात २६ सप्टेंबरला मेघगर्जनेसह मुसळधार पावसाचा अंदाज आहे. पंजाबमध्येही २६ आणि २७ सप्टेंबरला वादळी हवामानासह पावसाची शक्यता आहे. (Rain Alert)

पश्चिम बंगाल आणि सिक्कीममध्येही पावसाचा इशारा

पश्चिम बंगाल आणि सिक्कीममध्ये २५ सप्टेंबरला अतिमुसळधार पावसाचा इशारा देण्यात आला असून २६ सप्टेंबरला काही भागांत मुसळधार पाऊस पडू शकतो. त्यानंतर पावसाचा जोर कमी होण्याची शक्यता आहे. (Rain Alert)

त्यामुळे महाराष्ट्रात सध्या विदर्भातील नागरिकांनी विशेष काळजी घेणे आवश्यक असून, मध्य महाराष्ट्र आणि मराठवाड्यात वादळी वारे, विजांचा कडकडाट आणि मेघगर्जनेच्या पार्श्वभूमीवर सतर्क राहण्याचा सल्ला दिला जात आहे. हवामानाचा स्थानिक अंदाज आणि प्रशासनाच्या सूचना लक्षात घेऊनच प्रवासाचे नियोजन करणे योग्य ठरेल. (Rain Alert)

Heavy Rainfall: पावसाने शहराला झोडपले; ठिकठिकाणी साचले पाणी

Samay Raina : समय रैना डिसेंबरमध्ये लग्न करणार? अभिनेत्रीला पोस्ट टॅग करत सोडलं मौन