Virender Sehwag criticism on Glenn Maxwell and Liam Livingston : आयपीएल २०२५ चा ३६ वा सामना पंजाब किंग्ज आणि रॉयल चॅलेंजर्स बंगळुरू यांच्यात मुल्लानपूर येथे खेळला गेला. या सामन्यात आरसीबीने पीबीकेएसचा ७ विकेट्सनी दणदणीत पराभव केला. या सामन्यापूर्वी, आरसीबीने लियाम लिव्हिंगस्टोनला प्लेइंग इलेव्हनमधून वगळले होते. त्याच वेळी, पंजाब किंग्जने सलग दुसऱ्या सामन्यात ग्लेन मॅक्सवेलशिवाय मैदानात उतरण्याचा निर्णय घेतला होता. या दोघांबाबत वीरेंद्र सेहवागने मोठं वक्तव्य केलं आहे.

माजी भारतीय स्फोटक फलंदाज वीरेंद्र सेहवागने या दोन्ही खेळाडूंना प्लेइंग इलेव्हनमधून वगळल्याबद्दल धक्कादायक विधान केले आहे. सामन्यापूर्वी क्रिकबझशी बोलताना वीरेंद्र सेहवाग म्हणाला की ग्लेन मॅक्सवेल आणि लियाम लिव्हिंगस्टोन आयपीएलला गंभीर लीगपेक्षा सुट्टी म्हणून पाहतात. सेहवाग म्हणाला की त्याला मॅक्सवेल आणि लिव्हिंगस्टोनमध्ये भूक दिसत नाही.

त्यांची क्रिकेट खेळण्याची भूक संपलीय – 

Virender Sehwag said, “players like Glenn Maxwell and Liam Livingstone don’t seem to have the hunger. They come for the IPL and treat it like a holiday with absolutely no desire to win or make an impact”. (Cricbuzz). pic.twitter.com/SSB3qySb7J

— Mufaddal Vohra (@mufaddal_vohra) April 20, 2025

भारताचा माजी खेळाडू वीरेंद्र सेहवाग म्हणाला, “मला वाटतं की त्यांची क्रिकेट खेळण्याची भूक संपली आहे. मॅक्सवेल आणि लिव्हिंगस्टनमध्ये क्रिकेट खेळण्यासाठी जी भूक आवश्यक असते, ती दिसत नाही. म्हणूनच ते इथे सुट्टी घालवण्यासाठी येतात आणि सुट्टी संपली की निघून जातात. कारण त्यांना असंही वाटत नाही की त्यांना त्यांच्या संघाला विजय मिळवून देण्यासाठी काहीतरी योगदान द्यायला हवं.”

हेही वाचा – Mohammad Azharuddin : ‘क्रिकेट खेळल्याची खंत…’, स्टेडियमच्या स्टँडवरून नाव हटवल्याने अझरुद्दीन संतप्त

मॅक्सवेल आणि लिव्हिंगस्टन जिंकण्यासाठी खेळत नाहीत –

‘विदेशी खिलाड़ियों के निजी स्वार्थ #IPL teams को पंहुचा रहे हैं नुकसान,’ @VirenderSehwag Cricbuzz Live हिन्दी पर #IPL2025 #PBKSvRCB pic.twitter.com/90ENj8YadT

— Cricbuzz (@cricbuzz) April 20, 2025

वीरेंद्र सेहवाग पुढे म्हणाले, “जर तुम्ही ट्रॉफी जिंकून देऊ शकत नसाल, तर किमान योगदान तरी द्यायला हवं. ज्यांच्यासोबत मी वेळ घालवला आहे, ते वेगळ्या प्रकारचे परदेशी खेळाडू होते. मी अनेक परदेशी खेळाडूंसोबत वेळ घालवला आहे. मला त्यांच्यामध्ये जिंकण्यासाठीची भावना दिसत होती. मात्र, मला मॅक्सवेल आणि लिव्हिंगस्टोनमध्ये ती भावना दिसत नाही. ते फक्त बोलतात आणि निघून जातात. त्यांच्या कामगिरीतून हे दिसून येत नाही.”