Virat Kohli Video : लाइव्ह सामन्यात विराटचं काय हरवलं होतं? जे अंपायरने शोधून देताच मैदानात पिकला हशा, पाहा VIDEO
Virat Kohli Video : न्यूझीलंडविरुद्धच्या वनडे मालिकेतील पहिल्या सामन्या विराट कोहलीसोबत खेळपट्टीवर एक मजेशीर प्रसंग घडला, ज्याचा व्हिडीओ सोशल मीडियावर व्हायरल होत आहे.
Virat Kohli Watch Broken Video Auckland 1st ODI Ind vs NZ : भारत आणि न्यूझीलंड यांच्यात ईडन पार्कवर खेळल्या गेलेल्या पहिल्या एकदिवसीय सामन्यात भारताने ५ गडी राखून दणदणीत विजय मिळवला. प्रथम फलंदाजी करताना न्यूझीलंडचा डाव अवघ्या १८५ धावांवर गुंडाळल्यानंतर भारताने डकवर्थ-लुईस नियमानुसार मिळालेले लक्ष्य सहज पार केले. या विजयाचा खरा शिल्पकार ठरला तो स्टार फलंदाज विराट कोहली, ज्याने ७४ धावांची मॅचविनिंग खेळी साकारली. दरम्यान, या सामन्यात फलंदाजी करताना विराटसोबत घडलेला एक अत्यंत मजेशीर प्रसंग कॅमेऱ्यात कैद झाला असून, त्याचा व्हिडीओ सोशल मीडियावर तुफान व्हायरल होत आहे.
हाताला चेंडू लागला अन् घड्याळ तुटले; अंपायरने शोधून दिली पिन
हा मजेशीर प्रसंग भारतीय डावाच्या १८ व्या षटकात घडला. न्यूझीलंडचा वेगवान गोलंदाज जेकब डफीने टाकलेला एक उसळता चेंडू विराटच्या हातावर आदळला. चेंडूचा मार बसताच विराटच्या हातातील महागडे घड्याळ तुटून थेट खेळपट्टीवर खाली पडले. विराटने लगेच घड्याळ उचलले खरे, पण घड्याळाची बारीक पिन तिथेच गवत असलेल्या जागेत पडली होती. त्यामुळे विराट चेंडू खेळायचा सोडून खेळपट्टीवर वाकून ती पिन शोधू लागला. शेवटी मैदानावरील अंपायरने खाली वाकून ती पिन शोधून काढली आणि विराटच्या हातात दिली. त्यावेळी स्वतः विराटलाही हसू अनावर झाले आणि मैदानावर एकच हशा पिकला.
रोहित शून्यावर बाद; विराट-गिलची ११३ धावांची भागीदारी
Virat Kohli is searching for his pin of his watch https://t.co/it8eY7Wxkm
— BackToLobby (@_backtolobby) November 4, 2026
🏮 UMPIRE FOUND THE WATCH PIN of VIRAT KOHLI🤯
Look at the crowd reaction after getting watch pin 🤣
https://t.co/nzdQKRm3NZ
— VK (@Aur_vicky) November 4, 2026
सामन्यात भारताची सुरुवात अत्यंत निराशाजनक झाली होती, कारण अनुभवी सलामीवीर रोहित शर्मा पहिल्याच षटकात भोपळाही न फोडता तंबूत परतला. मात्र, त्यानंतर मैदानात आलेल्या विराट कोहलीने कर्णधार शुबमन गिलसोबत मिळून डावाची सूत्रे हाती घेतली. या दोघांनी दुसऱ्या गड्यासाठी ११३ धावांची शतकी भागीदारी रचून भारताचा विजय सोपा केला. पावसामुळे सामना थांबल्याने भारताला ३२ षटकांत १४३ धावांचे सुधारित लक्ष्य मिळाले होते, जे भारताने २२.४ षटकांत ५ गडी गमावून पूर्ण केले.
तिसऱ्या नंबरवर १३ हजार धावांचा रचला वर्ल्ड रेकॉर्ड –
Virat Kohli made everyone laugh 🚨😂
A part of Kohli’s wristwatch fell off and he started looking for it everywhere but couldn’t find it. The umpire came from behind and asked him what he was looking for.
Kohli said “Leave it.” Then umpire told him that he has it. Kohli got very happy and the commentators started laughing as he celebrated finding his watch part more than his 50. Looks like this watch is very special to him as Anushka gifted it to him 🙏
— Suprvirat (@MostlyKohli) November 4, 2026
या सामन्यात विराटने केवळ सामना जिंकवून दिला नाही, तर क्रिकेट जगतात एक नवा इतिहासही रचला. तिसऱ्या क्रमांकावर फलंदाजी करताना अवघ्या १२ धावा पूर्ण करताच विराटने या क्रमांकावर खेळताना १३ हजार आंतरराष्ट्रीय एकदिवसीय धावांचा टप्पा ओलांडला. एकदिवसीय क्रिकेटच्या इतिहासात तिसऱ्या क्रमांकावर खेळताना हा पराक्रम करणारा विराट हा जगातील पहिलाच फलंदाज ठरला आहे. या मालिकेतील उर्वरित चार सामन्यांत विराटच्या बॅटमधून आणखी कोणते विक्रम साकार होतात, याकडे आता चाहत्यांचे लक्ष लागले आहे.
