Virat Kohli Denies 5 Crore Premanand Maharaj Vrindavan Allegations Official Statement : वृंदावन येथील प्रसिद्ध संत प्रेमानंद जी महाराज यांच्या केलीकुंज आश्रमावरून सुरू असलेल्या वादात आता भारतीय क्रिकेट संघाचा स्टार फलंदाज विराट कोहली (Virat Kohli) याने थेट उडी घेतली आहे. श्रीकृष्ण जन्मभूमी संघर्ष न्यासाचे अध्यक्ष फलाहारी महाराज दिनेश शर्मा यांनी केलेले सर्व आरोप कोहलीच्या प्रवक्त्याने अधिकृत पत्रकाद्वारे स्पष्टपणे फेटाळून लावले आहेत. हे सर्व आरोप पूर्णपणे खोटे, तथ्यहीन आणि बिनबुडाचे असल्याचे सांगत कोहलीच्या टीमने या प्रकरणावर पडदा टाकला आहे.

“केवळ श्रद्धा अन् अतूट आस्था”; विराटच्या प्रवक्त्याने दिले चोख प्रत्युत्तर!

विराट कोहलीच्या प्रवक्त्याने जारी केलेल्या निवेदनात म्हटले आहे की, दिनेश शर्मा यांनी केलेले दावे खोटे आहेत. विराट कोहली आणि त्याची पत्नी अनुष्का शर्मा हे कोणत्याही व्यावसायिक हेतूने किंवा आर्थिक देवाणघेवाणीतून नव्हे, तर प्रेमानंद महाराजांप्रती असलेल्या अतूट श्रद्धेपोटी आणि आदरभावातून दर्शनासाठी वृंदावनला जातात. यासोबतच माध्यमांनी अशा निराधार बातम्या प्रसिद्ध करण्यापूर्वी वस्तुस्थितीची योग्य पडताळणी करावी, असे आवाहनही करण्यात आले.

नेमके काय होते फलाहारी महाराजांचे वादग्रस्त आरोप?

🚨 OFFICIAL STATEMENT FROM KOHLI’S SPOKESPERSON ✅

– All the statements are false, Baseless & factually incorrect ❌ https://t.co/B7MXQPQX39

— Johns. (@CricCrazyJohns) October 7, 2026

केलीकुंज आश्रमाशी संबंधित वादादरम्यान फलाहारी महाराजांनी दावा केला होता की, राजस्थानमधील एका खाजगी कंपनीने प्रेमानंद महाराजांची लोकप्रियता वाढवण्यासाठी विराट कोहलीला तब्बल ५ कोटी रुपये देऊन वृंदावनला बोलावले होते. तसेच याच कंपनीचे लोक आता साधू-संतांचा वेष धारण करून आश्रमात शिरले असून ते जमिनीचे व्यवहार पाहत असल्याचा खळबळजनक आरोप त्यांनी केला होता.

हेही वाचा – Virat Vrindavan Controversy : “महाराजांचा टीआरपी वाढवण्यासाठी विराटचा वापर!”; ५ कोटींच्या डीलचा दावा करत वृंदावनमध्ये मोठा वाद; पाहा VIDEO

आरोपांमधील हवा निघाली; केलीकुंज आश्रमाभोवती चर्चा कायम!

फलाहारी महाराजांनी प्रेमानंद महाराजांना भू-माफिया आणि चुकीच्या लोकांपासून लांब राहण्याचा सल्ला दिला होता. मात्र, आता स्वतः विराट कोहलीच्या अधिकृत टीमने हे सर्व दावे उधळून लावत ५ कोटींच्या व्यवहाराचा थेट इन्कार केल्यामुळे या खळबळजनक आरोपांमधील हवा पूर्णपणे निघून गेली आहे.