Virat Kohli Gautam Gambhir Edgbaston Net Practice Dispute Rumours ahead IND vs ENG 1st ODI : भारत आणि इंग्लंड यांच्यातील तीन सामन्यांच्या एकदिवसीय मालिकेला आजपासून सुरुवात झाली आहे. २०२७ मधील आगामी आयसीसी एकदिवसीय विश्वचषकाच्या तयारीच्या दृष्टीने ही मालिका भारतासाठी अत्यंत महत्त्वाची आहे. मात्र, पहिला सामना सुरू होण्यापूर्वीच भारतीय संघाच्या ड्रेसिंग रूममधील अंतर्गत वातावरणाबाबत उलट-सुलट चर्चांना उधाण आले आहे. बर्मिंगहॅममधून समोर आलेल्या भारतीय संघाच्या सराव सत्रातील काही व्हिडीओ आणि फोटोंमुळे स्टार फलंदाज विराट कोहली आणि मुख्य प्रशिक्षक गौतम गंभीर यांच्यात पुन्हा एकदा बिनसल्याची चर्चा रंगू लागली आहे.

गंभीरने रोहित-शुबमनशी साधला संवाद; पण विराटशी ‘नो टॉकिंग’!

एकदिवसीय मालिकेपूर्वी भारतीय संघाने बर्मिंगहॅमच्या एजबेस्टन मैदानावर एकमेव अधिकृत सराव सत्र घेतले. या सरावादरम्यान गौतम गंभीर यांनी कर्णधार रोहित शर्मा, उपकर्णधार शुबमन गिल, जसप्रीत बुमराह आणि नवखा गुरनूर ब्रार यांच्यासह संघातील जवळपास सर्वच खेळाडूंशी सविस्तर चर्चा केली. मात्र, सर्वांशी बोलणाऱ्या गंभीर यांनी संपूर्ण सराव सत्रात विराट कोहलीशी एक शब्दही बोलणे टाळल्याचे पाहायला मिळाले. विराट जेव्हा फलंदाजी करत होता किंवा नेट्सच्या बाहेर आला, तेव्हा गंभीर त्याच्याजवळ गेलेच नाहीत. यामुळे सोशल मीडियावर या दोन्ही दिग्गजांमधील शीतयुद्धाच्या चर्चांनी पुन्हा एकदा जोर धरला आहे.

सितांशू कोटक बनले ‘दुवा’; नेमकं घडलं काय?

🚨 VIRAT KOHLI IGNORED BY GAMBHIR?

No conversation between the two was seen. Coincidence?

pic.twitter.com/ygyXqWLiQr

— Sportz Central (@SportzcentralX) July 14, 2026

सरावादरम्यान विराट कोहलीने सुरुवातीला क्षेत्ररक्षणाचा कसून सराव केला आणि त्यानंतर नेट्समध्ये तब्बल ३० ते ४० मिनिटे जोरदार फलंदाजी केली. फलंदाजी संपवून विराट बाहेर आल्यानंतर गंभीर त्याच्याशी बोलतील अशी अपेक्षा होती, पण गंभीर दूरच राहिले. त्याऐवजी फलंदाजी प्रशिक्षक सितांशू कोटक हे विराटकडे गेले आणि त्यांच्यात प्रदीर्घ चर्चा झाली. या चर्चेनंतर कोटक यांनी थेट गंभीर यांच्याकडे जाऊन विराटसोबत झालेल्या संवादाची माहिती दिली. या संपूर्ण प्रक्रियेदरम्यान विराट आणि गंभीर यांच्यात थेट संवाद न झाल्याने फॅन्स चक्रावून गेले आहेत.

हेही वाचा – Gurnoor Brar Wickets : कोण आहे गुरनूर ब्रार? ज्याने एकाच ओव्हरमध्ये दोन विकेट्स घेऊन मोडलं इंग्लंडचं कंबरडं!, पाहा VIDEO

मतभेदांच्या चर्चांना उधाण, पण अधिकृत पुष्टी नाही!

🚨 VIRAT KOHLI IGNORED BY GAMBHIR? 👀

No interaction between Virat Kohli and Gautam Gambhir was seen during the event. Was it just a coincidence, or are fans reading too much into it? 🤔 pic.twitter.com/pLaVHfHoFY

— Spotlight Central (@avbvikash1810) July 14, 2026

या सराव सत्रात विराट कोहली आणि शुबमन गिल यांच्यातही आगामी विश्वचषक आणि संघ संयोजनाबाबत दीर्घकाळ खलबते झाली. विराट आणि गंभीर यांच्यात मैदानावरील जुने वाद पाहता या नव्या फोटोंनी जुन्या जखमांवर पुन्हा मीठ चोळले आहे. जरी या फोटोंच्या आधारे दोघांमध्ये मतभेद आहेत असा ठोस निष्कर्ष काढता येत नसला, तरी लंडनच्या मैदानावर घडलेल्या या प्रकाराने चाहत्यांच्या मनात मात्र सस्पेन्स निर्माण केला आहे.