Vinesh Phogat Retire | भारतीय महिला कुस्तीपटू विनेश फोगट यांनी गुरुवारी (8 ऑगस्ट) सकाळी ५  वाजता  कुस्तीतून निवृत्ती जाहीर केली. पॅरिस ऑलिम्पिकमध्ये घडलेल्या प्रकारमुळे विनेश खूप दु:ख झाल्याचे त्यांच्या ट्विटवरून स्पष्ट झाले आहे. यामुळे त्यांनी निवृत्तीचा निर्णय जाहीर केला. पॅरिस ऑलिम्पिकमधून अपात्र ठरल्यानंतर विनेश फोगट खूपच नाराज झाल्या होत्या. वजन जास्त असल्याने त्यांना  बुधवारी (7 ऑगस्ट) अंतिम सामन्यातून ऑलिम्पिकमधून अपात्र घोषित करण्यात आले.

 

माँ कुश्ती मेरे से जीत गई मैं हार गई माफ़ करना आपका सपना मेरी हिम्मत सब टूट चुके इससे ज़्यादा ताक़त नहीं रही अब।

अलविदा कुश्ती 2001-2024 🙏

आप सबकी हमेशा ऋणी रहूँगी माफी 🙏🙏

— Vinesh Phogat (@Phogat_Vinesh) August 7, 2024

 

विनेश फोगट यांनी सोशल मीडिया प्लॅटफॉर्मवर लिहिले “आई, कुस्ती माझ्याकडून जिंकली, मी हरली, माफ करा, तुझे स्वप्न, माझे धैर्य सर्व तुटले आहे. माझ्याकडे यापेक्षा जास्त ताकद नाही. अलविदा कुस्ती…’ असे लिहत विनेश फोगाट यांनी देशवासियांची माफी मागितली आणि म्हणाली की,’मी तुमच्या सर्वांची नेहमीच ऋणी राहीन.’

दरम्यान, कुस्तीपटू बजरंग पुनियाने विनेश यांना प्रोत्साहन देताना लिहिले आहे की, ‘तुम्ही पराभूत झाल्या नाही तर, तुम्हाला पराभूत करण्यात आले आहे. आमच्यासाठी तुम्ही नेहमीच विजेता राहाल, तुम्ही भारताची कन्या आहेत तसेच भारताचा अभिमान आहेस, असे ट्विट  करत त्यांनी प्रतिक्रिया दिली आहे.

 

विनेश आप हारी नही हराया गया हैं, हमारे लिए सदैव आप विजेता ही रहेगी आप भारत की बेटी के साथ साथ भारत का अभिमान भी हो 🫡😭 https://t.co/oRTCPWw6tj

— Bajrang Punia 🇮🇳 (@BajrangPunia) August 8, 2024

 

अंतिम फेरी गाठून इतिहास रचला
29 वर्षीय महिला कुस्तीपटू विनेश यांनी उपांत्य फेरीच्या सामन्यात क्यूबन कुस्तीपटू गुझमन लोपेझचा 5-0 असा पराभव करून अंतिम फेरीत प्रवेश करताना इतिहास रचला होता. ऑलिम्पिक स्पर्धेत अशी कामगिरी करणाऱ्या त्या देशातील पहिल्या महिला कुस्तीपटू ठरल्या. अशाप्रकारे त्यांना 50 किलो कुस्ती प्रकारात रौप्य पदकही निश्चित होते. एक तरी पदक निश्चित होईल, असा विश्वास संपूर्ण देशाला वाटत होता.

विनेश फोगट यांना डिहायड्रेशनमुळे रुग्णालयात दाखल करण्यात आले होते.
विनेश यांनी मंगळवारी (6 ऑगस्ट) तीन कठीण सामन्यांमध्ये भाग घेतला, ज्यामुळे त्यांच्या शरीरात डिहायड्रेशन झाले होते. यानंतरही,त्यांनी फक्त थोडेसे पाणी प्यायले, त्याचे केस कापले आणि व्यायाम केला, हे सुनिश्चित करण्यासाठी की त्यांचे वजन निर्धारित वजन मर्यादेपेक्षा जास्त होणार नाही. मात्र, बुधवारी मिळालेल्या निराशेने त्यांनी कुस्तीतून निवृत्ती जाहीर केली. यानंतर शरीरात पाणी कमी झाल्याने विनेश फोगट यांना पॉली क्लिनिकमध्ये नेण्यात आले.

यूडब्ल्यूडब्ल्यू नियम काय सांगतात…
विनेश फोगट यांना ऑलिम्पिकमधून अपात्र ठरवल्यानंतर युनायटेड वर्ल्ड रेसलिंग (UWW) च्या नियमांवरही चर्चा होऊ लागली. नियमांनुसार, कुस्तीपटूला वजनाच्या कालावधीत अनेक वेळा स्वतःचे वजन करण्याचा अधिकार देण्यात आला आहे. पहिल्या आणि दुसऱ्या वजनाच्या वेळी खेळाडू उपस्थित नसल्यास किंवा अपात्र ठरल्यास त्या खेळाडूला स्पर्धेतून बाहेर काढले जाते. अशा प्रकारे ते शेवटच्या स्थानावर राहतात आणि त्यांना कोणतीही रँक मिळत नाही.