Paris Olympics 2024 (Woller Akos On Vinesh Phogat) : पॅरिस ऑलिम्पिकमध्ये भारतीय कुस्तीपटू विनेश फोगटला अंतिम फेरी गाठूनही पदक गमवावे लागले होते. विनेश फोगटने 50 किलो वजनी गटात अंतिम फेरी गाठली होती, मात्र अवघ्या 100 ग्रॅम वजनामुळे तिला अपात्र ठरवण्यात आले. मात्र, त्यानंतर विनेश फोगट क्रीडा लवादाच्या न्यायालयात पोहोचली, पण तिथेही तिची निराशा झाली. मात्र, आता विनेश फोगटचे प्रशिक्षक वोलार अकोस यांनी एक मोठा धक्कादायक खुलासा केला आहे.

कोच वोलर अकोस यांनी एक फेसबुक पोस्ट करत विनेश फोगट हिने वजन कमी करत असताना काय व कसा संघर्ष केला याबद्दल त्यांनी सांगितले पण नंतर त्यांनी ती पोस्ट डिलीट केली. वास्तविक, विनेश फोगटचे प्रशिक्षक वोलार अकोस यांनी फेसबुकवर पोस्ट केली. या पोस्टमध्ये त्यांनी लिहिले की, “विनेश फोगटने त्या रात्री सुमारे साडेपाच तास वजन कमी करण्याचा प्रयत्न केला, पण ती यशस्वी होऊ शकली नाही. यानंतर एका क्षणासाठी मला असे वाटले की वजन कमी करता करता त्या रात्री तिचा जीव गेला असता…” तथापि, व्होलार अकोसने नंतर ही पोस्ट डिलीट केली.

उपांत्य फेरीनंतर विनेश फोगटचे वजन 2.7 किलो अधिक असल्याचे त्यांनी आपल्या पोस्टमध्ये लिहिले आहे. आम्ही एक तास वीस मिनिटे व्यायाम केला, पण तरीही 1.5 किलो वजन राहिले. त्यानंतर रात्रभर प्रयत्न करूनही फायनलपूर्वी विनेश फोगटचे वजन फक्त 100 ग्रॅम जास्त राहिले होते. त्यानंतर तिला अपात्र घोषित करण्यात आले.

व्होलार अकोस पुढे सांगतात की, “आमच्याकडे कोणताही पर्याय नव्हता, आम्ही मध्यरात्री ते पहाटे साडेपाचपर्यंत खूप मेहनत केली. वजन कमी करण्यासाठी सर्वोतोपरी प्रयत्न केले. विनेश वेगवेगळ्या कार्डिओ मशीनवर सतत वर्कआऊट करत राहिली. तासाभरात ती फक्त 2-3 मिनिटेच विश्रांती घेत होती आणि मग पुन्हा सुरूवात करायची. एकदा तर ती जमिनीवर कोसळली, पण कसे तरी आम्ही तिला उठवले.”

PKL Auction 2024 : लिलावाच्या पहिल्याच दिवशी 8 खेळाडू झाले कोट्याधीश..! ‘हा’ खेळाडू ठरला सर्वात महागडा…

पुढे त्यांनी फेसबुक पोस्टमध्ये लिहिले आहे की, “मी मुद्दाम नाट्यमय वर्णने लिहीत नाही. यादरम्यान तिने 50 मिनिटे सॉना बाथ घेऊनही तिच्या शरीरातून घामाचा एक थेंबही आला नाही. त्यामुळे ती सातत्याने व्यायाम करत राहिली. वजन कमी करण्याचे सुरू असलेले प्रयत्न पाहता मला एक क्षणी वाटले की यात तिचा मृत्यू होऊ शकतो.” मात्र, वोलार अकोसने नंतर ही फेसबुक पोस्ट डिलीट केली.