Vinai Kumar Saxena : केंद्रशासित प्रदेश लडाखमधील एका महत्त्वपूर्ण प्रशासकीय घडामोडीत, लडाख स्वायत्त पहाडी विकास परिषद, कारगिलच्या (एलएएचडीसी कारगिल) काही प्रमुख सदस्यांनी राजीनामा दिल्यानंतर आणि जिल्ह्याच्या सीमांचे पुनर्गठन झाल्यानंतर, नायब राज्यपालांच्या प्रशासनाने या परिषदेला त्वरित बरखास्त करण्याचा आदेश (Vinai Kumar Saxena) दिला आहे.

एलएएचडीसी कारगिल ही या केंद्रशासित प्रदेशातील एकमेव निवडून आलेली संस्था होती. राज्यपालांच्या (Vinai Kumar Saxena) प्रवक्त्याने सांगितले की, हे विसर्जन आदेश २० ऑक्टोबर २०२६ रोजी एलएएचडीसी कारगिलचे मुख्य कार्यकारी कौन्सिलर, तीन कार्यकारी कौन्सिलर आणि इतर सहा कौन्सिलरांनी दिलेल्या राजीनाम्यांचा विचार करून देण्यात आले आहेत.

तसेच, द्रास, झांस्कर आणि सांकू यांसारख्या नवीन जिल्ह्यांच्या निर्मितीनंतर, पूर्वीच्या कारगिल जिल्ह्याच्या प्रादेशिक सीमांची पुनर्रचना करण्यात आली आहे, याचाही यात विचार करण्यात आला आहे. एलएएचडीसी कारगिलकडे पूर्वी असलेले सर्व अधिकार, कर्तव्ये आणि कार्ये आता तात्पुरत्या स्वरूपात कारगिलचे उपायुक्त/मुख्य कार्यकारी अधिकारी यांच्याकडे सोपवण्यात आली आहेत.

ही तात्पुरती व्यवस्था तोपर्यंत लागू राहील, जोपर्यंत लडाख ऑटोनॉमस हिल डेव्हलपमेंट कौन्सिल्स ॲक्ट, १९९७ आणि त्याअंतर्गत वेळोवेळी सुधारित नियमांनुसार स्वतंत्र ऑटोनॉमस हिल डेव्हलपमेंट कौन्सिल्सची पूर्णपणे स्थापना होत नाही.

लडाखची नवी रचना
लडाखचे नायब राज्यपाल विनय कुमार सक्सेना (Vinai Kumar Saxena) यांनी लडाखमधील आठ हिल कौन्सिल्ससाठी १०० मतदारसंघांची अधिकृत अधिसूचना जारी केली आहे. त्यामुळे कौन्सिल सदस्यांची संख्या सध्याच्या ५२ वरून थेट १०० वर पोहोचली आहे.

नवीन रचनेनुसार, लेहमध्ये २२, कारगिलमध्ये २१, सांकूमध्ये १३, चांगथांगमध्ये १०, नुब्रा, शाम आणि झांस्करमध्ये प्रत्येकी ९, तर द्रासमध्ये ७ सदस्य असतील. हे एक तर्कसंगत आणि न्याय्य वाटप आहे, ज्यात पंचायत आणि नगरपालिका प्रभाग हे पायाभूत घटक म्हणून वापरले आहेत, तसेच मतदार संख्या आणि भौगोलिक क्षेत्र या दोन्हींना योग्य महत्त्व दिले आहे.