Vijay Hazare Trophy 2024/25 : विजय हजारे ट्रॉफीपूर्वी मोठी माहिती समोर येत आहे. वास्तविक, अष्टपैलू हार्दिक पंड्या या स्पर्धेच्या सुरुवातीच्या सामन्यांमध्ये खेळणार नाही. अशा प्रकारे बडोदा संघ आपल्या स्टार खेळाडूशिवाय मैदानात उतरणार आहे. अलीकडेच हार्दिक पंड्या सय्यद मुश्ताक अली ट्रॉफीमध्ये खेळताना दिसला. या स्पर्धेत हार्दिक पांड्याने फलंदाजीव्यतिरिक्त गोलंदाजीमध्येही आपली ताकद दाखवली होती, मात्र विजय हजारे ट्रॉफीच्या सुरुवातीच्या सामन्यांमध्ये तो खेळणार नाही.

मीडिया रिपोर्ट्सनुसार, हार्दिक पंड्या वैयक्तिक कारणांमुळे विजय हजारे ट्रॉफीच्या सुरुवातीच्या सामन्यांचा भाग असणार नाही. मात्र, याबाबत अद्याप कोणतीही अधिकृत माहिती समोर आलेली नाही. हार्दिक पांड्या विजय हजारे ट्रॉफीच्या सुरुवातीच्या सामन्यांनंतर खेळणार आहे, कारण त्याला आयसीसी चॅम्पियन्स ट्रॉफीपूर्वी आपली तयारी सुधारायची आहे.

त्याच वेळी, आयसीसी चॅम्पियन्स ट्रॉफी 2025 हायब्रिड मॉडेल पध्दतीनं खेळवली जाणार आहे. सुरक्षेच्या कारणास्तव भारतीय संघ पाकिस्तान दौऱ्यावर जाणार नाही. त्यानंतर ही स्पर्धा हायब्रीड मॉडेलवर आयोजित करण्याचा निर्णय घेण्यात आला.

U19 Women’s T20 Asia Cup 2024 : टीम इंडियाची Final मध्ये धडक, सुपर फोरच्या सामन्यात श्रीलंकेला केलं पराभूत…

हार्दिक पांड्याची कारकीर्द…

हार्दिक पांड्याने 11 कसोटी सामन्यांव्यतिरिक्त 86 एकदिवसीय आणि 109 टी-20 सामन्यांमध्ये भारतीय संघाचे प्रतिनिधित्व केले आहे. हार्दिक पांड्याने कसोटी सामन्यात 31.29 च्या सरासरीने 532 धावा केल्या आहेत. तसेच 17 विकेट्स घेतल्या. तर एकदिवसीय सामन्यांमध्ये त्याने 34.02 च्या सरासरीने 1 हजार 769 धावा केल्या आहेत. हार्दिक पांड्याच्या नावावर वनडे फॉरमॅटमध्ये 84 विकेट्स आहेत. याशिवाय, T20 फॉरमॅटमध्ये हार्दिक पांड्याने 141.9 च्या स्ट्राइक रेटने आणि 27.87 च्या सरासरीने 1 हजार 700 धावा केल्या आहेततर 89 विकेट घेतल्या आहेत.