#Video : उदयराजे पडले ‘पुष्पा’च्या प्रेमात, ‘…अन् सामी’ गाण्यावर लुंगी घालून धरला ठेका
सातारा – साताऱ्यात भाजपचे खासदार ‘उदयनराजे भोसलेंचा’ अंदाज नेहमी हटके असतो. ते कधी काय करतील याचा कोणालाच अंदाज लागत नाही. मजबूत शरीरयष्टी, भेदक नजर, तडकाफडकी जागेवर निकाल लावण्याच्या त्यांच्या वृत्तीचा साताऱ्यातच नाहीतर संपूर्ण महाराष्ट्रात बोलबाला असतो. असाच काहीसा प्रकार पुन्हा एकदा साताऱ्यात पाहायला मिळाला आहे.
नुकतंच, उदयनराजे यांनी साताऱ्यातील सेल्फी पॉइंटवर लुंगी घालून आपल्या मित्रांसोबत फोटोशूट केलं आणि कॉलर उडवली. सध्या त्यांचा हा व्हिडिओ सोशल मीडियावर चांगलाच व्हायरल होत आहे. यापूर्वी सुद्धा उदयनराजे यांनी साताऱ्यातील राजलक्ष्मी थिएटरमध्ये आपल्या मित्रांसोबत जावून सुपरस्टार ‘अल्लू अर्जुन’चा बहुचर्चित ‘पुष्पा द राइज’ हा चित्रपट एन्जाॅय केला होता.
‘पुष्पा द राइज’ हा चित्रपट 17 डिसेंबरला रुपेरी पडल्यावर प्रदर्शित झाला आहे. करोना काळात सुद्धा या चित्रपटाला प्रेक्षकांचा उत्स्फूर्त प्रतिसाद मिळत असून, चित्रपटाने बॉक्‍स ऑफिसवर 300 कोटींचा टप्पा पार करत बक्कळ कमाई केली आहे.
