“हे काय विचारताय, मी आता रोज..” ; मतदानापूर्वी उपराष्ट्रपतीपदाचे उमेदवार बी. सुदर्शन रेड्डी का चिडले ?
Vice President Election। उपराष्ट्रपती निवडणुकीच्या अगदी आधी इंडिया आघाडीचे उपराष्ट्रपतीपदाचे उमेदवार बी. सुदर्शन रेड्डीहे चांगलेच चिडलेले दिसले. त्यांनी आज माध्यमांसमोर एक मोठे विधान केले आहे. “त्यांचा पक्ष आणि युती ही निवडणूक जिंकेल” असा विश्वास यावेळी त्यांनी व्यक्त केला.
सुदर्शन रेड्डी यांनी स्पष्ट केले की, त्यांचे प्रयत्न फक्त लोकांचा विवेक जागृत करणे आहे आणि मतदारांना योग्य दिशा दाखवणे हे त्यांचे उद्दिष्ट आहे. त्यांनी असेही सांगितले की, त्यांनी कोणत्याही प्रकारच्या क्रॉस-व्होटिंगबद्दल बोलले नाही आणि असे काहीही करण्याची त्यांची कोणतीही योजना नाही. गृहमंत्री अमित शहा यांनी तुमच्याबद्दल बरेच काही सांगितले आहे असे विचारले असता ते म्हणाले, “तुम्ही काय विचारताय भाऊ! किती दिवसांनी तुम्ही हा प्रश्न विचारत आहात. मी दररोज तेच बोलत राहीन का?” असे म्हणत त्यांनी संताप व्यक्त केला.
#WATCH दिल्ली: INDIA गठबंधन के उपराष्ट्रपति पद के उम्मीदवार बी. सुदर्शन रेड्डी ने कहा, “…मुझे पूरा विश्वास है। हम चुनाव जीतने जा रहे हैं…मैं केवल लोगों की अंतरात्मा की आवाज को जगाने की कोशिश कर रहा हूं। मैंने यह नहीं कहा कि क्रॉस-वोटिंग होगी…” pic.twitter.com/NKZBEhrSo3
— ANI_HindiNews (@AHindinews) September 9, 2025
बी. सुदर्शन रेड्डी हे सर्वोच्च न्यायालयाचे न्यायाधीश आहेत Vice President Election।
इंडिया आघाडीने सर्वोच्च न्यायालयाचे माजी न्यायाधीश न्यायमूर्ती बी. सुदर्शन रेड्डी यांना उपराष्ट्रपतीपदाचे उमेदवार म्हणून घोषित केले आहे. विरोधक या निवडणुकीला संविधानाच्या मूल्यांचे रक्षण करणारे आणि एएसएसच्या विचारसरणीपेक्षा वेगळे दृष्टिकोन असलेले नेते आणि न्यायाधीश यांच्यातील स्पर्धा म्हणत आहेत. न्यायमूर्ती रेड्डी हे यापूर्वी सर्वोच्च न्यायालयाचे न्यायाधीश आणि गोवा लोकायुक्त राहिले आहेत.
विजयासाठी जादूचा आकडा काय आहे? Vice President Election।
सध्या लोकसभेत ५४२ खासदार आणि राज्यसभेत २३९ खासदार आहेत, म्हणजेच दोन्ही सभागृहांच्या एकूण सदस्यांची संख्या ७८१ आहे. कोणत्याही उमेदवाराला जिंकण्यासाठी ३९१ खासदारांचा पाठिंबा आवश्यक असेल. दरम्यान, नवीन पटनायक यांचे बीजेडी, चंद्रशेखर राव यांचे बीआरएस आणि शिरोमणी अकाली दल यांनी मतदानापासून दूर राहण्याचा निर्णय घेतला आहे. या तिन्ही पक्षांकडे एकूण १२ खासदार आहेत, ज्यामुळे आता एकूण खासदारांची संख्या ६६९ झाली आहे. यानुसार, राधाकृष्णन किंवा सुदर्शन रेड्डी यांना जिंकण्यासाठी फक्त ३८५ खासदारांचा पाठिंबा आवश्यक आहे.
