Actor Val Kilmer dies | हॉलिवूडचे ज्येष्ठ अभिनेते वॅल किल्मर यांचे वयाच्या ६५ व्या वर्षी निधन झाले आहे. किल्मर हे गेल्या अनेक दिवसांपासून गंभीर आजाराने त्रस्त होते. त्यांच्या निधनाच्या वृत्ताने हॉलिवूड इंडस्ट्री आणि चाहत्यांमध्ये शोककळा पसरली आहे. किल्मर यांनी टॉप गन, बॅटमॅन फॉरएव्हर आणि टॉम्बस्टोन यांसारख्या सुपरहिट चित्रपटांमध्ये अभिनय केला आहे. वॅल किल्मर यांना 2014-15 मध्ये घशाच्या कर्करोग झाल्याचे निदान झाले होते. या आजारामुळे त्यांच्या आवाजावर गंभीर परिणाम झाला, त्यामुळे त्यांना बोलण्यात अडचण येऊ लागली. मात्र, त्यांनी हार मानली नाही आणि वैद्यकीय उपचारातून आयुष्य पुढे चालू ठेवले. 2021 मध्ये प्रदर्शित झालेल्या वॅल या माहितीपटात त्याने त्यांच्या कर्करोगाचा प्रवास आणि करिअरच्या संघर्षांबद्दल सांगितले आहे. व्हॅल किल्मर हे त्या हॉलिवूड अभिनेत्यांपैकी एक होते ज्यांनी आपल्या दमदार अभिनयाने आणि प्रभावी स्क्रीन शैलीने लाखो प्रेक्षकांची मने जिंकली. त्यांनी 1980 च्या दशकात आपल्या कारकिर्दीला सुरुवात केली आणि हळूहळू त्यांना हॅालीवूडमध्ये अनेक चित्रपटांत काम करण्याची संधी मिळत गेली. किल्मर यांनी त्यांच्या कारकीर्दीत अनेक चित्रपटातून प्रेक्षकांना आपल्या अभियाने विचार करण्यास भाग पाडले. वॅल किल्मर 2000 च्या दशकात अनेक चित्रपट आणि टीव्ही मालिकांमध्ये दिसले. परंतु त्यांची लोकप्रियता पूर्वीसारखी नव्हती. 2015 मध्ये त्यांना घशाचा कर्करोग झाल्याचे निदान झाले. ज्यामुळे त्यांच्या आवाजावर लक्षणीय परिणाम झाला. असे असूनही, त्यांनी आपली कारकीर्द सुरू ठेवली आणि 2022 मध्ये टॉप गन: मॅव्हरिकमधील त्यांनी आईसमन या भूमिकेतून पुनरागण केले. त्यांच्या जाणाने हॅालीवडू इंडस्ट्रीत पोकळी निर्माण झाली आहे. वॅल किल्मर यांनी काम केलेले काही चित्रपट टॉप गन (1986) – या चित्रपटात त्यांनी टॉम क्रूझच्या पात्राचा प्रतिस्पर्धी असलेल्या ‘आईसमन’ची भूमिका साकारली होती. त्यांच्या भूमिकेचे मोठे कौतुक झाले. द डोअर्स (1991) – प्रसिद्ध रॉक बँड द डोअर्सचे प्रमुख गायक जिम मॉरिसनची भूमिका साकारून त्यांनी खूप प्रसिद्धी मिळवली. टॉम्बस्टोन (1993) – या पाश्चात्य चित्रपटात, त्यांनी ‘डॉक हॉलिडे’ ची भूमिका साकारली, जी त्यांच्या आजपर्यंतच्या सर्वोत्तम भूमिकेपैकी एक मानली जाते. बॅटमॅन फॉरएव्हर (1995)– व्हॅल किल्मरने यांनी या चित्रपटात बॅटमॅनची भूमिका साकारली, जी त्यांच्या कारकिर्दीतील सर्वात लोकप्रिय भूमिकांपैकी एक बनली. हीट (1995) – या क्राईम-थ्रिलर चित्रपटात त्यांनी अल पचिनो आणि रॉबर्टडी नीरो यांच्यासोबत स्क्रीन शेअर केली. द घोस्ट अँड द डार्कनेस (1996) – या साहसी चित्रपटात मायकेल डग्लसच्या विरुद्ध त्यांनी मुख्य भूमिका साकारली होती.
