Vaibhav Sooryavanshi Separate Dressing Room England Tour : भारत आणि आयर्लंड यांच्यात २६ जूनपासून दोन सामन्यांची, तर १ जुलैपासून इंग्लंडविरुद्ध ५ सामन्यांची टी-२० मालिका रंगणार आहे. या संपूर्ण दौऱ्यात सर्वात जास्त चर्चा आहे ती भारताचा १५ वर्षांचा युवा डावखुरा फलंदाज वैभव सूर्यवंशी याची. आयर्लंडविरुद्धच्या सामन्यात वैभव आंतरराष्ट्रीय क्रिकेटमध्ये पदार्पण करेल अशी दाट शक्यता आहे. मात्र, या ऐतिहासिक पदार्पणापूर्वीच एक अत्यंत अजब आणि मोठी माहिती समोर आली आहे. इंग्लंड दौऱ्यादरम्यान वैभव सूर्यवंशीला टीम इंडियाच्या इतर खेळाडूंसोबत मुख्य ड्रेसिंग रूममध्ये कपडे बदलता येणार नाहीत, त्याच्यासाठी पूर्णपणे वेगळी चेंजिंग रूम दिली जाणार आहे.

आयसीसीचा ‘सेफगार्डिंग प्रोसिजर’ नियम काय आहे?

‘द गार्डियन’ने दिलेल्या वृत्तानुसार, वैभव सूर्यवंशी हा अवघ्या १५ वर्षांचा असल्याने इंग्लंडमध्ये त्याच्यासाठी आंतरराष्ट्रीय क्रिकेट परिषदेचा ‘सेफगार्डिंग प्रोसिजर’ नियम लागू केला जाईल. या कडक नियमानुसार, १६ वर्षे किंवा त्यापेक्षा कमी वयाच्या अल्पवयीन खेळाडूला प्रौढ (बौद्धिक व शारीरिकदृष्ट्या मोठे) खेळाडूंसाठी बनवलेल्या मुख्य चेंजिंग रूमचा वापर करण्याची परवानगी नसते.

Vaibhav Sooryavanshi will need to use his own changing room during the tour of England. However, he will be allowed to use the India dressing room during the game and attend team talks. The restriction only applies when he is changing before and after each match.#ENGvIND pic.twitter.com/LsNP4a4d8A

— Circle of Cricket (@circleofcricket) June 24, 2026

याच नियमामुळे इंग्लंडमधील सर्व स्टेडियमध्ये वैभवसाठी कपडे बदलण्यासाठी स्वतंत्र आणि वेगळी व्यवस्था केली जाईल. मात्र, सामना सुरू असताना रणनीती आखण्यासाठी किंवा गप्पा मारण्यासाठी तो मैदानावर इतर सहकाऱ्यांसोबतच असेल. अद्याप आयर्लंड क्रिकेट बोर्ड हाच नियम लागू करणार की नाही, हे स्पष्ट झालेले नाही.

हेही वाचा – Pakistan Cricket Controversy : क्रिकेट विश्वात खळबळ! सीनियर खेळाडू पतीसह हॉटेलमध्ये राहिल्याने मोठा वाद; कॅप्टन आणि हेड कोच भिडले

हॉटेलमध्ये आई-वडीलही राहणार सोबत –

वैभव हा अजून लहान असल्याने बीसीसीआयने विशेष काळजी घेतली आहे. प्रोटोकॉलच्या बाहेर जाऊन बीसीसीआयने वैभवच्या आई-वडिलांनाही या दौऱ्यावर अधिकृतपणे सोबत पाठवण्याचा निर्णय घेतला आहे. भारतीय संघ ज्या हॉटेलमध्ये मुक्कामी असेल, त्याच हॉटेलमध्ये वैभवचे आई-वडीलही त्याच्यासोबत राहतील. कॅप्टन श्रेयस अय्यरच्या नेतृत्वाखाली भारतीय संघ २६ आणि २८ जूनला आयर्लंडशी भिडणार असून त्यानंतर इंग्लंड दौऱ्यावर रवाना होईल.