Uttarkashi Tunnel Rescue : उत्तराखंडमधील उत्तरकाशी येथील सिल्कयारा बोगद्यात अडकलेल्या कामगारांची तब्बल १७ दिवसानंतर अखेर काल सुरक्षितरित्या बाहेर काढण्यात आले. 12 नोव्हेंबर रोजी बोगद्याचा काही भाग कोसळल्याने हे कामगार अडकले होते. तेव्हापासून त्यांना वाचवण्यासाठी बचावकार्य सुरू होते. यामध्ये अनेक एजन्सींचा सहभाग होता. उत्तराखंडचे मुख्यमंत्री पुष्कर सिंह धामी यांनी सांगितले की, बोगद्यातून बाहेर काढण्यात आलेल्या ४१ मजुरांपैकी एकाचीही प्रकृती गंभीर नाही. प्रत्येकजण निरोगी आहे. दरम्यान, मुख्यमंत्री धामी यांनी सर्व मजुरांना आर्थिक मदत देण्याची घोषणा केली आहे. याशिवाय 15-20 दिवसांसाठी कामगारांना त्यांच्या घरी जाण्याची परवानगी देण्यात आली आहे.

सीएम धामी म्हणाले की, सर्व कामगार निरोगी आहेत. स्ट्रेचरवर नेण्याऐवजी ते पाईपमधून  बाहेर आले. कामगारांना रुग्णालयात दाखल करण्यात आले आहे. जिथे त्यांची वैद्यकीय तपासणी केली जाईल. त्यानंतर कामगारांना त्यांच्या घरी जाता येणार आहे. मुख्यमंत्री धामी म्हणाले, कामगार राष्ट्रीय महामार्ग पायाभूत सुविधा विकास महामंडळ लिमिटेडसाठी काम करत होते. एजन्सीने कामगारांना 15-20 दिवसांसाठी घरी जाण्याची परवानगी दिली आहे. सर्व 41 मजुरांना 1 लाख रुपयांची आर्थिक मदत देण्याची घोषणा मुख्यमंत्र्यांनी केली.

त्यासोबतच धामी म्हणाले, मंदिराच्या तोंडावर असलेल्या बोखनाग मंदिराची पुनर्बांधणी केली जाईल आणि डोंगराळ राज्यात निर्माणाधीन बोगद्यांचा आढावा घेतला जाईल, असे म्हणत  केंद्र सरकारने बांधकाम सुरू असलेल्या बोगद्यांचे सेफ्टी ऑडिट करण्याचा निर्णय घेतला असल्याचे त्यांनी म्हटले. ते म्हणाले की, बचाव कार्यात वापरण्यात आलेल्या अमेरिकन ऑगर मशीनला अनेक अडथळ्यांचा सामना करावा लागला.

पुष्कर धामी यांनी शेवटचे 10-12 मीटर उत्खनन करणाऱ्या उंदीर खाण कामगारांचे आभार मानले. हाताने खोदकाम करणाऱ्या खाण कामगारांनी महत्त्वाची भूमिका बजावली, असे ते म्हणाले.  सुमारे तासाभराने उंदीर खाण तज्ज्ञांच्या पथकाने ढिगाऱ्याचा शेवटचा भाग खणून काढल्यानंतर एक एक करून ४१ कामगारांना बाहेर काढण्यात आले. सुमारे दीड तासात सर्व कामगारांना बाहेर काढून रुग्णवाहिकेतून रुग्णालयात पाठवण्यात आले. जिथे त्यांची वैद्यकीय तपासणी केली जाईल.