US Open 2024 :- अमेरिकन टेनिस स्टार एम्मा नवारोने (Emma Navarro) अमेरिकन ओपन टेनिस स्पर्धेच्या उपांत्य फेरीत प्रवेश केला आहे. जिथे शुक्रवारी (6 सप्टेंबर) तिची लढत दुसऱ्या मानांकित बेलारूसची महिला टेनिसपटू अरिना सबालेन्काशी (Aryna Sabalenka) होईल. त्याचवेळी पुरुष एकेरीत चौथा मानांकित अलेक्झांडर झ्वेरेव अपसेटचा बळी ठरला आहे. अमेरिकेच्या टेलर फ्रिट्झने त्याचा पराभव करत टॉप-4 मध्ये आपले स्थान पक्के केले.

न्यूयॉर्कमध्ये, 23 वर्षीय नवारोने महिला एकेरीच्या उपांत्यपूर्व फेरीत स्पेनच्या पॉला बेडोसाचा 6-2, 7-5 असा सरळ सेटमध्ये पराभव करून तिची पहिली ग्रँड स्लॅम उपांत्य फेरी गाठली. तर बेलारशियन स्टार सबालेन्का हिने चीनच्या 7व्या मानांकित झेंग कियानवेनचा 6-1, 6-2 असा पराभव केला.

एम्मा नवारोने प्रथमच एखाद्या ग्रँड स्लॅमच्या उपांत्य फेरीत प्रवेश केला आहे. नवारोने गॅफचा पराभव करत सलग 6 गुण जिंकून टॉप-4 गाठले. 13व्या मानांकित नवारोने पहिला सेट 29 मिनिटांत जिंकला, परंतु दुसऱ्या सेटमध्ये 26व्या मानांकित बेडोसाने 5-1 अशी आघाडी घेतली, त्यानंतर नवारोने सलग सहा गुण जिंकून टॉप-4 मध्ये प्रवेश केला. नवारोने चौथ्या फेरीत गतविजेत्या कोको गॉफचा पराभव केला. या मोसमापूर्वी तिने यूएस ओपनच्या मुख्य ड्रॉमध्ये एकही सामना जिंकला नव्हता.

US Open 2024 (Mixed Doubles) : बोपण्णा-सुत्जियादी जोडीला Semi-final मध्ये पराभवाचा धक्का…

झ्वेरेव्ह फ्रिट्झकडून पराभूत झाल्यानंतर बाहेर…

पुरुष एकेरी गटात 12व्या मानांकित टेलर फ्रिट्झने चौथ्या मानांकित अलेक्झांडर झ्वेरेव्हचा पराभव केला. त्याने जर्मन स्टारचा 7-6, 6-3, 6-4, 7-6 असा पराभव केला. हा सामना 3 तास 26 मिनिटे चालला. अमेरिकन स्टारचा सामना त्याच्याच देशाच्या फ्रान्सिस टियाफोशी होईल. चौथ्या सेटमध्ये बल्गेरियाच्या ग्रिगोर दिमित्रोव्हने सामन्यातून माघार घेतली. तेव्हा स्कोअर 6-3, 6-7, 6-3, 4-1 असा होता.