न्यूयॉर्क :- अमेरिकी ओपन टेनिस स्पर्धेत पुरुषांच्या दुहेरी सामन्यातील अंतिम फेरीत रोहन बोपण्णा आणि मॅथ्यू एब्देन यांना पराभूत करून राजीव राम आणि ज्यो सॅलिसबरी यांनी अजिंक्यपद पटकावलं आहे.

स्पर्धेत पुरुषांच्या दुहेरी सामन्यात काल भारताचा रोहन बोपण्णा आणि ऑस्ट्रेलियाचा खेळाडू मॅथ्यू एब्देन यांना पराभव पत्करावा लागला. राजीव राम आणि ज्यो सॅलिसबरी यांच्या जोडीनं बोपण्णा आणि एब्देन यांचा 6-2,3-6,4-6 असा पराभव केला.

बोपण्णा आणि एब्देन यांनी पहिला सेट जिंकून चांगली सुरुवात केली होती, मात्र नंतर राम आणि सॅलिसबरी यांनी त्यांच्यावर मात केली.

दुुुुुुुसरीकडे महिला दुहेरीत उपांत्य फेरीत एरिन रुटलिफ आणि गॅब्रिएला दाब्रोवस्की यांनी वांग झिन्यू आणि हसिएक सु-वेई यांचा, तर लॉरा सिगेमंड आणि व्हेरा वेनारेवा यांनी जेनिफर ब्रँडी आणि लुइसा स्टेफानिन यांचा पराभव केला.