Narendra Modi – काही लोक देशाच्या अडचणींमध्ये आनंद शोधतात आणि त्यांच्या सरकारची प्रतिमा खराब करण्यासाठी अफवा पसरवतात. पण मी देशहितासाठी झटत असलेल्या संघटनेचा सदस्य आहे.

त्यामुळे माझ्या जीवनाच्या शेवटच्या श्वासापर्यंत मी राष्ट्रहिताचाच विचार करणार. जनसेवेप्रती त्यांची बांधिलकी कायम अढळ असेल, असे प्रतिपादन पंतप्रधान नरेंद्र मोदी यांनी केले आहे.

गुजरातच्या बनासकांठा जिल्ह्यातील भिलडी येथे भारत बोवाईन ब्रीडिंग अँड रिसर्च सेंटरचे उद्घाटन केल्यानंतर उपस्थितांना संबोधित करताना मोदी बोलत होते.

काँग्रेसचे अध्यक्ष मल्लिकार्जुन खर्गे यांच्या मोदी का बाप भी जाएगा या वादग्रस्त विधानानंतर काही दिवसांतच, मोदी यांनी शुक्रवारी ठामपणे सांगितले की, मी भारतीयांप्रती एक आपलेपणाची भावना घेऊन त्यांच्या हितासाठीच मी कार्यरत राहीन.

मोदी म्हणाले, इराणमधील युद्धानंतर अशा अफवा पसरवण्यात आल्या होत्या की, शेतकऱ्यांना खतांच्या तुटवड्याचा सामना करावा लागेल आणि लोकांना एलपीजी सिलिंडर मिळवण्यासाठी संघर्ष करावा लागेल.

माझ्या सरकारने शेतकऱ्यांच्या कल्याणाला सर्वोच्च प्राधान्य दिले आहे आणि जागतिक स्तरावर खतांच्या किमती वाढल्या असतानाही त्याचा भार शेतकऱ्यांवर पडू दिला नाही.

मोदींनी पुढे सांगितले की, केंद्र सरकारने पीएम-किसान सन्मान निधी योजनेअंतर्गत लहान शेतकऱ्यांना ४.५ लाख कोटी रुपयांचे वाटप केले आहे. याआधी, मोदींनी या प्रदेशात १४,००० कोटी रुपयांच्या विकासकामांचे उद्घाटन केले आणि त्यांच्या पायाभरणीची कोनशिला ठेवली.