Udit Narayan : बॉलीवूड गायक उदित नारायणने आपल्या कलेने फिल्म इंडस्ट्रीत एक विशेष स्थान मिळवले. मात्र, काही दिवसांपूर्वी व्हायरल झालेला त्यांचा किसिंग व्हिडिओ पाहून अनेकांना आश्चर्य वाटले. काही लोकांनी या किसिंग व्हिडिओची खिल्लीही उडवली. उदितने याविषयी विनोदी पद्धतीने बोलले होते पण आता त्यांनी यावर सविस्तर भाष्य केलं आहे.

‘या व्हिडीओमुळे मला आणि त्यांच्या कुटुंबाला अजिबात त्रास झाला नसल्याचंही’ त्यांनी म्हटलं आहे. नुकत्याच दिलेल्या एका मुलाखतीत उदितने स्पष्टपणे सांगितले आहे की, व्हायरल झालेल्या व्हिडीओमध्ये चाहत्यांनी फक्त त्यांचे प्रेम व्यक्त केले होते आणि माझ्या कुटुंबाचा त्यावर कोणताही आक्षेप नाही. असं ते म्हणाले.

किसिंग व्हिडिओवर उदित नारायण उघडपणे बोलले :
एका प्रसिद्ध वहिनीला दिलेल्या मुलाखतीत उदित नारायण म्हणाले, ‘मी 4 दशकांहून अधिक काळ काम केले आहे आणि हेच महत्त्वाचे आहे. मी माझ्या स्वप्नावर विश्वास ठेवला आणि स्वत:च्या बळावर बॉलिवूडमध्ये स्थान निर्माण केले. मी दोन राष्ट्रीय पुरस्कार जिंकले आहेत आणि अनेक गाणी गायली आहेत.

भारतरत्न लता मंगेशकर यांच्यासोबत मी 200 ते 300 गाणी गायली आहेत. एवढी मेहनत करून, लोकांनी जुन्या वस्तू उचलून परत आणून माझी चेष्टा केली तर मी त्या गोष्टींनी प्रभावित होत नाही. मला यात काहीच अडचण नाही कारण व्हिडिओमध्ये चाहते माझ्या गाण्यावर प्रेमाचा वर्षाव करत होते.

उदित नारायण यांनीही या मुलाखतीदरम्यान खुलासा केला आहे की, किसिंगच्या वादाचा त्यांच्या कुटुंबावर कोणताही परिणाम झाला नाही. उदित पुढे म्हणाला, ‘व्हिडिओ व्हायरल झाल्यानंतर लोकांनी माझी ऑनलाइन खिल्ली उडवली आणि मी खूप हसलो आणि माझी पत्नी दीपा माझ्यासोबत जवळपास प्रत्येक मैफिलीत जाते आणि लोकांचे प्रेम पाहून तिला खूप आनंद होतो. त्यामुळे अशा गोष्टींचा माझ्यावर आणि माझ्या कुटुंबावर परिणाम होत नाही.

वर्क फ्रंटबद्दल बोलायचे तर, अलीकडेच उदित सिंगिंग रिॲलिटी शो इंडियन आयडॉलमध्ये पाहुणे म्हणून दिसला. हा शो त्यांचा मुलगा आदित्य नारायण होस्ट करत आहे. आदित्य नारायण देखील बॉलिवूडमधील प्रसिद्ध गायक आणि कलाकार आहे. त्याने देखील अनेक चित्रपटात आपला आवाज दिला आहे.