Maharashtra Politics : राज्यातील राजकीय घडामोडींना पुन्हा वेग आला असून अहिल्यानगर, पुणे आणि नांदेड जिल्ह्यांतील उद्धव बाळासाहेब ठाकरे (उबाठा) गटाचे अनेक पदाधिकारी आणि शेकडो कार्यकर्त्यांनी एकनाथ शिंदे यांच्या उपस्थितीत शिवसेनेत जाहीर प्रवेश केला. या पक्षप्रवेशामुळे संबंधित जिल्ह्यांमध्ये ठाकरे गटाला मोठा धक्का बसल्याची चर्चा सुरू झाली आहे. (Maharashtra Politics)

खासदार भाऊसाहेब वाघचौरे यांच्या पुढाकाराने अहिल्यानगर जिल्ह्यातील श्रीरामपूरचे उपजिल्हाप्रमुख सचिन बडदे, राधाकिशन बोरकर, राहुल रणधीर, आशिष त्रिभुवन, नेवासाचे उपजिल्हाप्रमुख हरिराम शेळके, नीरज नागरे, पंकज लांभाटे, नितीन जगताप, राहुरीचे डॉ. अजय म्हसे, राजू गुंजाळ, विजय शिरसाट, दीपक पंडित, प्रशांत शिंदे, अकोलेचे महेंद्र धुमाळ, रामहरी तिकांडे, प्रदीप हासे, शिर्डी-राहताचे अनिल बांगरे, सोमनाथ गोरे, विजय मोहोर तसेच कोपरगावचे मुकुंद सिनकर, सचिन मलिक, अशोक पवार यांच्यासह अनेक पदाधिकारी आणि कार्यकर्त्यांनी शिवसेनेचा भगवा हाती घेतला. (Maharashtra Politics)

पुणे जिल्ह्यातील इंदापूर तालुकाप्रमुख नितीन शिंदे यांनीही आपल्या समर्थकांसह शिंदेसेनेत प्रवेश केला. त्यांच्यासोबत भीमराव भोसले, सुधीर पाटील, महादेव सोमवंशी, प्रवीण देवकर तसेच जिल्हाप्रमुख सुरेंद्र जेवरे यांच्या नेतृत्वाखाली गणेश धायगुडे, विजय थिटे, विजयकुमार देवकाते, डॉ. राहुल शंख आणि अनेक कार्यकर्त्यांनी पक्षप्रवेश केला. (Maharashtra Politics)

याशिवाय दौंड विधानसभा मतदारसंघातील दत्तात्रय शितोळे, संपत शिंदे, विजय गुंड, माजी जिल्हाप्रमुख ॲड. राजेंद्र काळे, विश्वास मांढरे, निलेश मदने, शहाजी दळवी आणि परेश भापकर यांनीही आपल्या समर्थकांसह शिवसेनेची वाट धरली. (Maharashtra Politics)

नांदेड जिल्ह्यातील मुखेडचे जिल्हाप्रमुख उमेश मुंडे, विजयकुमार पाटील सुगावकर, संजय रावणगावकर, गणपत पाटील मंडलापूरकर, किरण पाटील धामणगावकर यांच्यासह अनेक पदाधिकारी आणि पंचायत समिती सदस्यांनीही मुख्यमंत्री एकनाथ शिंदे यांच्या नेतृत्वावर विश्वास व्यक्त करत शिवसेनेत प्रवेश केला. (Maharashtra Politics)

यावेळी एकनाथ शिंदे यांनी नवागतांचे स्वागत करत, “शिवसेना ही सर्वसामान्यांची आणि विकासाला प्राधान्य देणारी संघटना आहे. राज्याच्या कानाकोपऱ्यातून पदाधिकारी आणि कार्यकर्ते स्वेच्छेने शिवसेनेत येत आहेत. जनतेचा विश्वास आणि विकासाची भूमिका हीच आमची खरी ताकद आहे,” असे सांगितले. (Maharashtra Politics)

या पक्षप्रवेश कार्यक्रमाला खासदार भाऊसाहेब वाघचौरे, आमदार विजयबापू शिवतारे, विधान परिषदेचे उपसभापती सचिन अहिर, माजी खासदार आनंद परांजपे, आमदार रवींद्र फाटक, बालाजी पाटील खतगावकर तसेच शिवसेनेचे अनेक पदाधिकारी आणि कार्यकर्ते मोठ्या संख्येने उपस्थित होते. (Maharashtra Politics)

Maharashtra Politics : राज्यात काँग्रेसला मोठा धक्का; ‘या’ बड्या नेत्याचा शिवसेनेत प्रवेश

Maharashtra Politics : उद्धव ठाकरेंना धक्क्यावर धक्के सुरूच; बड्या नेत्यासह शेकडो कार्यकर्ते भाजपमध्ये