Maharashtra Politics : राज्याच्या राजकारणात चर्चेला उधाण आणणारी एक महत्त्वाची घटना घडली आहे. मुख्यमंत्री देवेंद्र फडणवीस आणि शिवसेना (ठाकरे गट) पक्षप्रमुख उद्धव ठाकरे यांनी मुंबई ते नागपूर असा एकाच विमानातून प्रवास केला. या प्रवासादरम्यान दोन्ही नेत्यांमध्ये काही वेळ चर्चा झाल्याची माहिती समोर आली असून त्यामुळे राजकीय वर्तुळात विविध चर्चांना उधाण आले आहे. (Maharashtra Politics)

या विमानप्रवासात उद्धव ठाकरे यांच्यासोबत आदित्य ठाकरे, संजय राऊत, विनायक राऊत आणि अनिल देसाई हेही उपस्थित होते. विशेष म्हणजे आदित्य ठाकरे हे उद्धव ठाकरे यांच्या शेजारी बसले होते, तर संजय राऊत आणि अनिल देसाई मागील सीटवर असल्याचे पाहायला मिळाले. (Maharashtra Politics)

‘आपण भेटलो, हीच मोठी बातमी’

माहितीनुसार, विमानात भेट झाल्यानंतर मुख्यमंत्री देवेंद्र फडणवीस यांनी उद्धव ठाकरे यांना “आपण भेटलो, हीच मोठी बातमी आहे,” असे मिश्कीलपणे म्हटले. त्यानंतर दोन्ही नेत्यांमध्ये एकमेकांची विचारपूस झाली. तसेच देवेंद्र फडणवीस आणि खासदार संजय राऊत यांच्यामध्येही काही वेळ संवाद झाल्याचे सांगितले जात आहे. (Maharashtra Politics)

Devendra Fadnavis : “अशा प्रकारची वक्तव्ये…..”; खासदार संजय दिना पाटलांच्या वक्तव्यावर फडणवीस आक्रमक

राजकीय घडामोडींमध्ये वाढले महत्त्व

अलीकडेच शिवसेना (ठाकरे गट) मधील सहा खासदारांनी शिंदे गटात प्रवेश केल्यामुळे राज्यातील राजकीय वातावरण तापले आहे. या पार्श्वभूमीवर उद्धव ठाकरे यांनी बंडखोर खासदारांच्या मतदारसंघांचा दौरा करण्याचा निर्णय घेतला आहे. (Maharashtra Politics)

याच दौऱ्याचा भाग म्हणून 27 जून रोजी उद्धव ठाकरे यांचा यवतमाळ-वाशीम दौरा असून त्यासाठी ते नागपूरला जात होते. योगायोगाने त्याच विमानात मुख्यमंत्री देवेंद्र फडणवीसही प्रवास करत असल्याने या भेटीची राज्यभर चर्चा रंगली आहे. (Maharashtra Politics)

विमानात होते हे नेते

या विमानप्रवासात उद्धव ठाकरे यांच्यासोबत आदित्य ठाकरे, संजय राऊत, विनायक राऊत आणि अनिल देसाई उपस्थित होते. मुख्यमंत्री आणि उद्धव ठाकरे यांच्या अनपेक्षित भेटीनंतर राजकीय चर्चांना उधाण आले असले, तरी या भेटीत कोणत्याही राजकीय विषयावर सविस्तर चर्चा झाल्याची अधिकृत माहिती समोर आलेली नाही. (Maharashtra Politics)

Uddhav Thackeray : उद्धव ठाकरेंना मोठा धक्का ! ‘या’ नेत्याचा तडकाफडकी राजीनामा