Aaditya Thackeray:  राज्यातील दुष्काळग्रस्त भागातील शेतकऱ्यांना मोठा दिलासा मिळाला आहे. महाराष्ट्रातील एकूण 358 तालुक्यांपैकी 265 तालुक्यांमध्ये दुष्काळ जाहीर करण्यात आला आहे. याचाच अर्थ राज्यातील 75 टक्के भागात दुष्काळी परिस्थिती असल्याचे स्पष्ट झाले आहे.

दुष्काळ जाहीर झाल्यानंतर शेतकऱ्यांना तातडीने मदत दिली पाहिजे, अशी मागणी आमदार आदित्य ठाकरे यांनी केली आहे. आज धाराशिव जिल्ह्यातील लोहारा तालुक्यातील आष्टा कासार व तुळजापुर तालुक्यातील खानापुर गावातील नुकसानीची पाहणी केल्यानंतर आदित्य ठाकरे यांनी प्रसारमाध्यामांसोबत संवाद साधला. Aaditya Thackeray

‘अतिवृष्टीची मदत जाहीर केली पण ती शेतकऱ्यांना मिळाली नाही’

मुख्यमंत्र्यांनी शेतकऱ्यांच्या कर्ज वसुलीच्या नोटिसा थांबाव्यात व कॉलेज महाविद्यालयाच्या परीक्षा फी संपूर्णपणे माफ केल्या पाहिजेत. शेतकऱ्यांच्या खात्यापर्यंत ही मदत पोहोचली पाहिजे. तसेच दुष्काळी परिस्थितीत ज्या उपायोजना करायच्या आहेत त्या पत्रकार परिषद घेऊन मुख्यमंत्र्यांनी सर्वांसमोर जाहीर केल्या पाहिजेत, अशी मागणी आमदार आदित्य ठाकरे यांनी मुख्यमंत्र्याकडे केली आहे.

तसेच अतिवृष्टीची मदत देखील सरकारने जाहीर केली पण ती शेतकऱ्यांना मिळाली नाही, असे ठाकरे म्हणाले. मुख्यमंत्री फडणवीस यांनी फक्त घोषणा केली असून आजपासून खरोखर शेतकऱ्यांच्या हातात काय पोचणार? ते पाहणे महत्त्वाचं असल्याचेही आदित्य ठाकरे म्हणाले होते. Aaditya Thackeray

हेही वाचा: 

Meghna Bordikar: “देवाभाऊंनी पुन्हा दाखवून दिलं, सरकार शेतकऱ्यांच्या पाठीशी”; मेघना बोर्डीकरांची प्रतिक्रिया