South Africa Shooting Incidents : दक्षिण आफ्रिकेत एकाच दिवशी गोळीबाराच्या दोन घटना, १७ जण ठार
गोळीबाराची ही घटना रविवारी रात्री झाली असावी, असा संशय आहे. या प्रकरणी अद्याप कोणालाही अटक करण्यात आलेली नाही, असे पोलिसांच्या प्रवक्त्याने सांगितले.

South Africa Shooting Incidents – दक्षिण आफ्रिकेत एकाच दिवशी झालेल्या स्वैर गोळीबाराच्या दोन घटनांमध्ये किमान १७ जण ठार झाले आहेत. दोन्ही घटना ५३० किलोमीटर दूरवरच्या ठिकाणी घडल्या आणि या दोन्ही घटनांमागील हेतून स्पष्ट होऊ शकलेला नाही, असे पोलिसांनी सांगितले.
पीटरमॅरिझबर्ग शहराच्या बाहेर स्वीटवॉटर भागात एका वाहनामध्ये गोळ्या लागून मरण पावलेल्या आठ जणांचे मृतदेह सापडले आहेत. या सर्व मृतांची ओळख अद्याप पटवली जाऊ शकलेली नाही. तसेच या प्रकरणी कोणावरही संशय व्यक्त केला जाऊ शकलेला नसल्याचेही पोलिसांनी सांगितले.
तर अशाच प्रकारे दक्षिण आफ्रिकेची राजधानी जोहान्सबर्गजवळच्या जेफ्सविल येथील अनौपचारिक वसाहतीतील एका झोपडीमध्ये ९ जण बंदुकीच्या गोळ्या लागून मरण पावलेले आढळून आले. यामध्ये ६ पुरुष आणि ३ महिला आहेत.
गोळीबाराची ही घटना रविवारी रात्री झाली असावी, असा संशय आहे. या प्रकरणी अद्याप कोणालाही अटक करण्यात आलेली नाही, असे पोलिसांच्या प्रवक्त्याने सांगितले.
गोळीबाराच्या दोन्ही घटनांचा गेल्या वर्षी सॅलविले येथे झालेल्या गोळीबाराच्या घटनेशी संबंध असल्याचा पोलिसांना संशय आहे. सॅलविले येथील गोळीबारामध्ये १२ जण ठार आणि १३ जण जखमी झाले होते.
सॅऐलविले येथील गोळीबारामध्ये हेतू असलेली व्यक्ती जेफ्सविल येथील घटनेत ठार झाली आहे. त्यामुळे पूर्वीच्या घटनेची प्रतिक्रिया म्हणून ही हत्या झाली असावी, असा संशय पोलिसांनी व्यक्त केला.






